Populaarsed piiblisalmid ROMANOS 3

De irá xixé nu biché' nu, ne qué iquiiñe nin tobi de laanu nezalú Dios. Peru uca nacha'hui ne laanu, bixhá stonda nu sin quixe nu laa, purti Jesucristu gudixe saca ni biché' nu que.

Irá tu guni cre Jesucristu zuxhá Dios stonda, ne zuni ni tutiica guni cre, purti nezalú bia'ca risaca tobi risaca stobi.

Gula'qui Dios gati be para quixe be irá ni huachee binni, ne tu guni cre bixhii be rini stibe pur laa la? zaca perdonar. Zacá bi'ni Dios ti ihuinni jneza bi'ni dxi ca'ru gueeda Cristu, ra qué nixhacala'dxi be binni, qué nuquixe be laaca' ni bichee ca', ne laca ti ihuinni jneza cayuni be yanna, purti yáquexa ma gudixe Cristu irá pecadu la? jneza runi be, ruxhá be stonda tutiica guni cre laa.

Iruti zaxá stonda, neca pe ñuni ni na ley que, purti gu'ta ley para ganna si cabe cuchee cabe.

Ndi nga ni cá lu Xqui'chi Dios: Iruti binni runi jneza, nin pe tobi. Iruti riene, ne iruti ruyubi Dios. De irá xixé biree chu, ne de irá ma qué iquiiñe'. Iruti qué lica runi jneza, nin pe tobi.

Ne zacá riene nu, ora guni cre binni Cristu ruxhá Dios stonda ca', ne cadi purti runi ca ni na ley.

Qué ziuu dxi. Qué zusaana Dios de guni ni ma uní' neca pe nuchee irá xixé binni guidxilayú. Casi cá lu Xqui'chi Dios: Pur ni runi Dios rihuinni qué rusiguii, ne zacá ruseegu ruaa cani riguixhe xqueja.