Populaarsed piiblisalmid Maki 5

Jaga

Jezu ka ɖɔ n'i ɖɔ: “Vǐ ce, nǔɖiɖi towe zɔ́n, bɔ azɔn towe gbɔ. Yi dó fífá mɛ; azɔn towe ní gbɔ nú we bǐ.”

Nǎwe ɖé ka ɖo fínɛ́; nǎwe énɛ́ ɔ́ kó ɖo hun ɖi wɛ sín xwe wěwe ɖíe ɖokpóó. É kó ji ya gbɔn azɔngblétɔ́ mɔ̌kpán xwé, lobo zán akwɛ́ tɔn bǐ dó wǔvɔ́, azɔn tɔn ka fɔ́n tɛgbɛ ɔ́, jijɛ jí wɛ jɛ́n nɔ́ ɖe.

Nǔgbó ɔ́, hun e ɖi wɛ é ɖe ɔ́ gbo ɖo tɛndo ɖokpó ɔ́ mɛ; bɔ é mɔ ɖo agbaza mɛ ɖɔ azɔn émítɔn gbɔ.

é ká hɛn vǐ ɔ́ sín alɔ, bó ɖɔ: “Talita, kúmi.” (Tínmɛ tɔn wɛ nyí ɖɔ: “Đyɔ̌vǐ un ɖe gbe nú we; sí te.”)

Xó énɛ́ lɛ́ɛ ɖɔ wɛ Jezu ɖe kɛ́ɖɛ́, bɔ mɛɖé lɛ́ɛ gosín kplɔ́ngbaságán ɔ́ xwé, bó wá ɖɔ nú kplɔ́ngbaságán ɔ́ ɖɔ: “Vǐ towe kó kú, étɛ́ sín tagba wɛ a nǎ lɛ́ dó nú mɛ̌si ɔ́?” Jezu ka wlí tó xó e ɖɔ wɛ yě ɖe nɛ́ lɛ́ɛ ɖěbǔ wú ǎ, bó ká ɖɔ nú kplɔ́ngbaságán Jayilɔ́si ɖɔ: “Ma ɖi xɛsi ó, vɛ̌ kó ɖi nǔ kpowun.”

(É ɖɔ mɔ̌ ɖó Jezu ɖe gbe dó e ɖɔ: “Hwi yɛ nyanya élɔ́, gosín nya élɔ́ jí!”) Jezu ka kanbyɔ́ ɛ ɖɔ: “Nɛ̌ wɛ nyǐkɔ towe nɔ́ nyí?” Bɔ é yí gbe n'i ɖɔ: “ ‘Ahwan’, ɖó mǐ mɛ gěgé wɛ.”