Populaarsed piiblisalmid Matíe 7

Jaga

“Mi byɔ́ nǔ Mawu, é ná ná mi; mi ba, mi ná mɔ; mi xúxú hɔn, è nǎ hun nú mi.

Ɖó mɛ ɖěbǔ byɔ́ nǔ ɔ́, è nǎ ná ɛ; mɛɖé ba ɔ́, é ná mɔ; mɛɖé xúxú hɔn ɔ́, è nǎ hun n'i.

“Énɛ́ ɔ́ wú ɔ́, mɛ ɖěbǔ e ko sixú se xó ce énɛ́ lɛ́ɛ bo bló d'é jí ɔ́, cí gbɛtɔ́ ayiɖotenánɔ e gbá xɔ tɔn nyi só jí é ɖɔhun.

“Nǔ e mi jló ɖɔ gbɛtɔ́ lɛ́ɛ ní bló nú émí ɔ́, mi nɔ bló nú yě lɔmɔ̌; ɖó nǔ e ɖɔ wɛ Mɔyízi sɛ́n lɛ́ɛ, kpódó gbeyíɖɔ Mawu tɔn lɛ́ɛ kpó ɖe ɔ́ nɛ́.

Lo ɔ́, hɔn e nu è nɔ gbɔn, bó nɔ́ yi gbɛ mavɔ mavɔ mɛ ɔ́ hwe, bɔ ali e è nɔ gbɔn yi ɔ́ sóbwé, bó vɛ́ gbɔn, bɔ mɛ kpɛɖé jɛ́n nɔ ba mɔ.”

“Mi gbɔn hɔn kpɛví ɔ́ nu; ɖó fí e è nɔ gbɔn, bó nɔ yi dɔn ɔ́, hɔn tɔn d'agba, bɔ ali tɔn gbló, bo vɛ́ gbɔn ǎ; mɛ gěgé wɛ nɔ gbɔn fínɛ́.

Midɛɛ lɛ́ɛ ɔ́, lě e mi dá sɔ ɔ́ nɛ́, có mi ka tunwun nǔ ɖagbe bo nɔ ná vǐ mitɔn lɛ́ɛ. Nɛ̌ wɛ Tɔ́ mitɔn e ɖo sɛ́xwé ɔ́ ma ka ná ná nǔ ɖagbe mɛ e byɔ́ ɛ lɛ́ɛ ǎ gbɔn?

“Mi ma ɖó hwɛ nú mɛɖé ó, énɛ́ ɔ́, Mawu na ɖó hwɛ nú mi lɔmɔ̌ ǎ. Ɖó lě e mi nɔ ɖɔ hwɛ xá mɛ gbɔn ɔ́, mɔ̌ wɛ Mawu na ɖɔ hwɛ xá mi lɔmɔ̌ gbɔn. Nǔ e mi sɔ́ dó jlɛ́ nǔ nú mɛ ɖě lɛ́ɛ ɔ́ wɛ Mawu ná sɔ́ dó jlɛ́ nǔ nú mi lɔmɔ̌.

Amɔ̌, mɛ e se xó ce énɛ́ lɛ́ɛ, bó ma bló d'é jí ǎ ɔ́, cí mɛ e ayixa hwedó, bɔ é gbá xɔ tɔn nyi kɔ́gúdu mɛ é ɖɔhun.

Étɛ́wú a ka ɖo nǔywɛ́ e ɖo nukún jí nú nɔví towe ɔ́ kpɔ́n wɛ, bó má ka mɔ atínkpo e ɖo nukún towe jí ɔ́ ǎ? Abǐ hwi mɛ e atínkpo ɖo nukún jí ná ɔ́, nɛ̌ wɛ a sixú ɖɔ nú nɔzo towe ɖɔ: ‘Gbɔ nú ma ɖe nǔywɛ́ sín nukún jí nú we’ gbɔn?

“Mi cɔ́ miɖée dó mɛ e nɔ sɔ́ yěɖée dó ɖó gbeyíɖɔ Mawu tɔn lɛ́ɛ wú. Ninɔmɛ lɛ̌ngbɔ́ tɔn wɛ yě nɔ zé, bó nɔ́ wá mi gɔ́n; lo ɔ́, ɖo ayi yětɔn mɛ ɔ́, adǎnkanlin ɖi hla ɖɔhun wɛ nú yě. Nǔwiwa yětɔn lɛ́ɛ wɛ na zɔ́n bɔ mi na tunwun nǔ e yě nyí ɔ́; ɖó è nɔ gbɛ vǐwun ɖo wunkan mɛ ǎ, è ka nɔ gbɛ fígi ɖo aklánti gbo mɛ ǎ.

Atín ɖagbe ɔ́, sínsɛ́n ɖagbe wɛ é nɔ́ ná, bɔ atín nyanya nɔ ná sínsɛ́n nyanya.

Atín ɖagbe ɖé sixú ná sínsɛ́n nyanya ǎ; mɔ̌ ɖokpó ɔ́ jɛ́n atín nyanya ɖé ma sixú ná sínsɛ́n ɖagbe ǎ é nɛ́.

Atín ɖěbǔ ma ná sínsɛ́n ɖagbe ǎ ɔ́, è nɔ gbo e, bo nɔ sɔ́ nyi myɔ mɛ.