Populaarsed piiblisalmid Matíe 5

Jaga

È ka nɔ ta zogbɛ́n bó nɔ́ sɔ́ dó zɛ̌n glɔ́ ǎ; lo ɔ́, nǔ ta aga wɛ è nɔ sɔ́ ɖó, bɔ é nɔ́ ɖi ɖɛ̌ nú mɛ e ɖo xwé gbe lɛ́ɛ bǐ ná mɔ nukúnnú. Wěziza mitɔn ní bo hɔ́n ɖo gbɛtɔ́ lɛ́ɛ nukɔn, bónú yě ní mɔ nǔ ɖagbe wiwa mǐtɔn lɛ́ɛ, bo na dó kpa susu nú Tɔ́ mitɔn e ɖo sɛ́xwé é.

“Mi wɛ nyí wěziza nú gbɛ ɔ́; to e ɖo só jí ɔ́ sixú nɔ hwlǎhwlá ǎ.

Nǔ nyɔ́ nú ayimímɛ́nɔ lɛ́ɛ, ɖó yě ná mɔ Mawu.

Nǔ nyɔ́ nú mɛ e nǔjlɔ́jlɔ́wiwa sín xovɛ́ nɔ sín, bɔ kɔ tɔn nɔ xú yě lɛ́ɛ é; ɖó yě ná gɔ́ xo.

Lo ɔ́, nyɛ ɖo ɖiɖɔ nú mi wɛ ɖɔ: mi yí wǎn nú kɛntɔ́ mitɔn lɛ́ɛ. Mi xo ɖɛ dó mɛ e nɔ dó nu mi lɛ́ɛ jí. Mi wa ɖagbe nú mɛ e nɔ gbɛ́ wǎn nú mi lɛ́ɛ, bó xo ɖɛ ɖagbe nú mɛ e nɔ ɖe dó mi bó nɔ́ dó ya nú mi lɛ́ɛ.

Nǔ nyɔ́ nú mɛ e nyí wamamɔnɔ ɖo ayi mɛ lɛ́ɛ, ɖó yětɔn wɛ nyí axɔ́súɖuto sɛ́xwé tɔn.

Nǔ nyɔ́ nú mɛ e nɔ jɛ tagba, nú fífá ná dó tíin lɛ́ɛ, ɖó è nǎ ylɔ́ yě ɖɔ Mawu ví.

Nǔ nyɔ́ nú mɛ e ɖo aluwɛ mɛ lɛ́ɛ, ɖó è nǎ dó gbɔ nú yě.

Nǔ nyɔ́ nú mɛ e dó ya na wɛ è ɖe, ɖó yě ɖo nǔ jlɔ́jlɔ́ wa wɛ wú lɛ́ɛ, ɖó yětɔn wɛ nyí axɔ́súɖuto sɛ́xwé tɔn.

Nǔ nyɔ́ nú mɛ e nɔ kú nǔbláwǔ nú nɔzo yětɔn lɛ́ɛ é, ɖó è nǎ kú nǔbláwǔ nú yě lɔmɔ̌.

“Nǔ nyɔ́ nú mi, hwenu e è wǎ ɖo mi zun wɛ, bó ɖo mi ɖe dó wɛ, bó ɖo nǔvú bǐ ɖó dó mi nu wɛ, ɖó nyɛ wútu é. Mi j'awǎ, bó hun xomɛ, ɖó ajɔ ɖaxó ɖo te kpɔ́n mi ɖo sɛ́xwé. Ɖó, mɔ̌ wɛ è ko dó ya nú gbeyíɖɔ Mawu tɔn e jɛ nukɔn nú mi lɛ́ɛ gbɔn ɔ́ nɛ́.

Nǔ nyɔ́ nú mɛfífá lɛ́ɛ, ɖó ayǐkúngban ɔ́ na nyí yětɔn!

“Jɛ wɛ mi nyí nú gbɛ ɔ́. Lo ɔ́, ényí jɛ ma ka sɔ́ ɖó tɔ́n ǎ ɔ́, étɛ́ wɛ è nǎ dó lɛ́ na ɛ tɔ́n na? É sɔ́ nyɔ́ nú nǔɖé zɛ è nǎ sɔ́ kɔn nyi gbě, bó ná gbídí kpó afɔ kpó wú ǎ.

Ényí mɔ̌ hǔn, mi bo yí wǎn nú mɛ bǐ, lě e Tɔ́ mitɔn e ɖo sɛ́xwé ɔ́ yí wǎn nú mɛ bǐ gbɔn é.”

Ényí xó mitɔn nyí ‘ɛɛn’ hǔn, ní nyí ‘ɛɛn’, é ka nyí ‘éeǒ’ hǔn, ní nyí ‘éeǒ’. Nǔ e mi nɔ xwlé d'é jí ɔ́ bǐ ɔ́, awǒvi gɔ́n wɛ é gosín.

“Mi se bɔ è ɖɔ: ‘Mɛ ɖé tɔ́n nukún we hǔn, tɔ́n nukún é lɔmɔ̌; nú mɛɖé sún aɖǔ we hǔn, sún aɖǔ é lɔmɔ̌.’ Lo ɔ́, nyɛ ɖo ɖiɖɔ nú mi wɛ ɖɔ: mɛɖé wa nǔ nyanya nú we hǔn, ma ba hlɔn tɔn ó; ényí mɛɖé xo tomɛ nú we dó ɖisíxwé hǔn, lǐlɛ́ amyɔxwé ɔ́ n'i.

Ényí nukún towe ɖisíxwé tɔn ɔ́ na dɔn we dó nǔ nyanya mɛ hǔn, ɖe síin, bo sɔ́ nyi gbě; ɖó ényí a gbɔ bónú nǔɖé hwe ɖo wútu towe ɔ́, é nyɔ́ nú we hú nǔ lɛ́ɛ bǐ ní sɔgbe ɖo wǔtu towe bɔ è nǎ sɔ́ hwi ɖésúnɔ ɔ́ bǐ nyi dó zojimací mɛ. Ényí alɔ towe ɖisí ɔ́ na dɔn we dó nǔ nyanya mɛ hǔn, sɛ́n síin, bo sɔ́ nyi gbě; ɖó ényí ɖɔ a gbɔ bónú nǔɖé hwe ɖo wútu towe ɔ́, é nyɔ́ nú we hú nǔ lɛ́ɛ bǐ ní sɔgbe ɖo wútu towe, bɔ è nǎ sɔ́ hwi ɖésúnɔ ɔ́ bǐ kpéte nyi dó zojimací mɛ.