Populaarsed piiblisalmid Matíe 28

Jaga

Hǔn, mi yi bó kplɔ́n nǔ akɔta lɛ́ɛ bǐ, bónú yě ní húzú ahwanvú ce. Mi ylɔ́ Tɔ́ ɔ́, Vǐ ɔ́, kpódó Yɛsinsɛn ɔ́ kpó sín nyǐkɔ dó lɛ yɛhwesin nú yě. Mi kplɔ́n nǔ yě, bónú yě ní se tónú nú nǔ e un kplɔ́n mi lɛ́ɛ bǐ. Mi ka tunwun ɖɔ un ɖo kpɔ́ xá mi tɛgbɛ bɛ́ sín din káká yi jɛ gbe e gbe gbɛ ɔ́ ná vɔ dó é.”

Jezu ka sɛ yá yě, bó ɖɔ nú yě ɖɔ: “Mawu ná acɛ e ɖo jǐnukúnsin, kpódó ée ɖo ayǐkúngban jí ɔ́ kpó bǐ mì.

Wɛnsagun ɔ́ ká ɖɔ nú nyɔ̌nu lɛ́ɛ ɖɔ: “Midɛɛ lɛ́ɛ ɔ́, mi ma ɖi xɛsi ó, ɖó un tunwun ɖɔ Jezu e è ká nyi aklúzu jí ɔ́ ba wɛ mi ɖe. É ɖo fí ǎ. É ko fɔ́n sín kú wá gbɛ, lě e é ko ɖɔ gbɔn ɖ'ayǐ é. Mi wá kpɔ́n; fí e è sɔ́ ɛ ɖó ɖ'ayǐ ɔ́ ɖíe.

Hwenɛ́nu ɔ́, Jezu ɖɔ nú yě ɖɔ: “Mi ma ɖi xɛsi ó. Mi yi, bó ɖɔ nú nɔví ce lɛ́ɛ ɖɔ yě ní yi Galilée; fínɛ́ wɛ yě ná mɔ mì ɖe.”

Vɔ̌sánú-xwlémawutɔ́gán lɛ́ɛ kpódó tomɛxó lɛ́ɛ kpó ka wá kpléta bó ɖe wě dó xó e sɔ́ja lɛ́ɛ wá ɖɔ nú yě ɔ́ wú; yě ná akwɛ́ gěgé sɔ́ja énɛ́ lɛ́ɛ, bó blá ɖɔ xá yě ɖɔ: “Mi ɖɔ nú mɛ lɛ́ɛ ɖɔ hwenu e émí ɖo amlɔ dɔ́ wɛ ɖo yɔdo ɔ́ kɔn ɔ́, ahwanvú Jezu tɔn lɛ́ɛ zɔn zǎn bó wá fin cyɔ tɔn sɔ́ yi. Ényí tokpɔngán ɔ́ na bo se ɔ́, mǐ ná cikpɛ n'i bó ná hwlɛ́n mi gán sín tagba mɛ.” Sɔ́ja lɛ́ɛ yí akwɛ́ ɔ́, bó bló lě e è zɔ̌n yě gbɔn é, bɔ xó énɛ́ gba kpé Jwifu lɛ́ɛ mɛ káká jɛ égbé.