Populaarsed piiblisalmid Matíe 24

Jaga

Adǎnúwiwa ná kpé fí bǐ bɔ nǔɖitɔ́ gěgé sín wǎn yí nú nɔzo ná ɖe kpo. Lo ɔ́, mɛ e ná dɛ ɖo ya énɛ́ lɛ́ɛ nu káká yi fó ɔ́, è nǎ hwlɛ́n ɛ gán.

È nǎ jlá axɔ́súɖuɖu Mawu tɔn sín Wɛn Ɖagbe gbɔn gbɛ ɔ́ bǐ mɛ, bónú é ná nyí kúnnuɖiɖe nú gbɛtɔ́ lɛ́ɛ bǐ. Énɛ́ ɔ́ gúdo ɔ́, gbɛ ɔ́ ná vɔ.

Mi ná wá se ahwanfunfun sín zǐngídi ɖo fí e sɛkpɔ́ mi lɛ́ɛ, bó ná nɔ́ se ahwanfunfun sín xó ɖo fí e lín dó mi lɛ́ɛ. Ado ma hu mi ó; ɖó nǔ wɛ nyí bó ɖó ná jɛ; amɔ̌, gbɛvivɔ sín hwenu ɔ́ ko nɛ́ ǎ.

Akɔta ɖě ná sí te dó ɖě jí, bɔ axɔ́súɖuto ɖě ná sí te dó ɖě jí; adɔ ná tɔ́n, bɔ ayǐkúngban ná dǎn wǔ gbɔn fí tɛnmɛ tɛnmɛ. Có, nǔ énɛ́ lɛ́ɛ ka ko nyí nǔɖé ǎ; bǐbɛ́ wǔvɛ́mimɔ lɛ́ɛ tɔn kpowun wɛ.

Jǐnukúnsin kpódó ayǐkúngban kpó ná vɔ, amɔ̌, xó ce lɛ́ɛ ná vɔ gbeɖé ǎ.

ɖó mɛ gěgé ná sɔ́ nyǐkɔ ce, bó ná wá xwetɔ́n, bó ɖɔ: ‘Nyɛ wɛ nyí Klísu ɔ́;’ lobo ná flú mɛ gěgé.

“È nǎ wlí mi jó, bɔ è nǎ dó tagba nú mi, káká bó hu mi. Mɛ bǐ ná gbɛ́ wǎn nú mi, ɖó nyɛ wú. Hwenɛ́nu ɔ́, mɛ e ɖi nǔ nú mì lɛ́ɛ gěgé ná jó nǔɖiɖi yětɔn dó. Yě ná nɔ́ slɛ́ yěɖée, bó ná gbɛ́ wǎn nú yěɖée, bɔ mɛ e nɔ sɔ́ yěɖée dó ɖó gbeyíɖɔ Mawu tɔn lɛ́ɛ gěgé ná wá xwetɔ́n, bó ná flú mɛ gěgé.

Jezu ka yí gbe nú yě ɖɔ: “Mi hɛn ayi mitɔn, bónú mɛɖé má wá blɛ́ mi ó

Hǔn mi lɔmɔ̌, mi bo nɔ acéjí, ɖó nyɛ Gbɛtɔ́ví ɔ́ ná wá xwetɔ́n hwenu e mi ma ná ɖó nukún mì dó ǎ é.

Hǔn mi bo nɔ acéjí, ɖó mi tunwun azǎn e gbe Aklúnɔ mitɔn ná lɛ́ kɔ wá dó é ǎ.

“Mɛ ɖé tunwun azǎn ɔ́ ǎ; mɛɖé ka tunwun gan ɔ́ mɛ ǎ; wɛnsagun Mawu tɔn lɛ́ɛ tunwun ǎ; nyɛ Mawu ví ɔ́ ɖésú tunwun ǎ; Tɔ́ ɔ́ ɖokpónɔ géé wɛ tunwun.

ɖó mɛ e nɔ sɔ́ yěɖée dó ɖó Klísu ná lɛ́ɛ kpódó mɛ e nɔ sɔ́ yěɖée dó ɖó gbeyíɖɔ Mawu tɔn ná lɛ́ɛ kpó ná wá xwetɔ́n. Yě ná nɔ́ jlɛ́ nǔ tɛnmɛ tɛnmɛ lɛ́ɛ, bó ná nɔ́ dó nǔdábaɖa ɖaxó ɖaxó lɛ́ɛ sin, bɔ nú yě sixú kpé wú wɛ ɔ́, yě ná flú mɛ e Mawu cyán lɛ́ɛ lɔmɔ̌.

Nǔ e jɛ ɖo Nɔwée hwenu ɔ́ ɖokpó ɔ́ wɛ ná lɛ́ jɛ hwenu e nyɛ Gbɛtɔ́ví ɔ́ ná lɛ́ kɔ wá dó é. Cóbónú sin ná vɔ gbɛ ɔ́, gbɛtɔ́ lɛ́ɛ ɖo nǔ ɖu wɛ, bó ɖo ahan nu wɛ. Yě ɖo asi da wɛ, bó ɖo vǐ ná asú wɛ, káká yi jɛ gbe e gbe Nɔwée byɔ́ tɔjíhún ɖaxó mɛ dó é, bɔ yě mɔ nǔ jɛ nǔ e ɖo jijɛ wɛ lɛ́ɛ wú ǎ, káká yi jɛ hwenu e sin wá bɛ́ yě bǐ dó é. Hwenu nyɛ Gbɛtɔ́ví ɔ́ ná lɛ́ kɔ wá dó ɔ́, lě e é ná cí gbɔn é nɛ́.