Populaarsed piiblisalmid Genesis 49

Jaga

Ikutan ni Juda ti setro, agnanayon nga agturay dagiti kaputotanna. Yegto dagiti nasion dagiti sagut a pagbayadda kenkuana. Ket agtamedda a mangipakita iti panagtulnogda.

“Kasla atap nga asno ni Jose iti igid ti maysa nga ubbog, urbon ti kabalio iti bakras ti turod. Sirurungsot a darupen dagiti kabusorna, ibiatda dagiti panada a mangsunson kenkuana.

Ngem agtalinaed a nalagda ti bai ti panana ket mapapigsa dagiti takiagna gapu iti Mannakabalin a Dios ni Jacob, gapu iti Pastor a manalaknib iti Israel. Ti Dios ni amam ti tumulong kenka, ti Dios a Mannakabalin-amin ti mangbendision kenka: Paraburannaka iti tudo nga aggapu iti ngato ken danum nga aggapu iti uneg ti daga. Paraburannaka iti annak ken adu a baka.

“Juda, dayawendakanto dagiti kakabsatmo. Bekkelem dagiti kabusormo. Agrukbabto kenka dagiti kakabsatmo. Leon ti kayarigan ni Juda. Patayenna ti tukmaanna sa agsubli iti aponna. Kasla leon nga agunnat sa agidda, awan makaitured a mangsinga kenkuana.

“Ruben nga inauna, sika ti pigsak; wen, sika ti inauna a bungak, sika ti katangsitan ken kapigsaan kadagiti amin nga annakko. Mayarigka iti nadawel a karayan, ngem saanto a sika ti kangrunaan, ta kinaiddam ti babai nga inkabbalayko ket tinulawam ti idda ni amam.