Populaarsed piiblisalmid MATEO 18

Na guꞌ noꞌm jɨꞌk gook piam jɨꞌk baik miꞌ paiꞌ tu daan gu jaꞌtkam aañ jiñ bui, aañ miꞌp tuiꞌñgɨdaꞌ ja bui.

’Baꞌ noꞌ pimɨt jɨꞌk gook maap xi chu aꞌgak ma tu daanɨ buiñor guñ Gɨꞌkoraꞌ, jam makiaꞌ dho na pim tuꞌ taandaꞌ, aañ moo yaꞌ pu jam tɨtda.

Baꞌ xi baiꞌñmɨrak gu Jesuus maaꞌn gu alhii mi jaꞌp ja saagiꞌñ xi kɨɨsak jup ja tɨtda: ―Tuꞌ sɨlhkam kɨꞌn jañ yaꞌ pu jam tɨtda, gu jaroiꞌ noꞌ cham puiꞌm ɨlhiiꞌñ na jax dhiꞌñi alhii, cham jɨꞌxkat jimiaꞌ jix dhaam jaꞌk buiñor gu Dios.

Baꞌ gu jaroiꞌ na puiꞌm ɨlhiiꞌñdhaꞌ na jax gu alhii na soiꞌm ɨlhiiꞌñdhaꞌ, dhiꞌ jɨꞌ ji na bar gɇꞌkam kaꞌ jix dhaam jaꞌk buiñor gu Dios.

Guꞌ baꞌ gu jaroiꞌ noꞌt jix bhaiꞌ ba duu gu jax chuꞌm alhii aañ jiñ aꞌmkam jaꞌp na jax dhiꞌñi nañ yaꞌ daaꞌ, jaꞌp ji buusniaꞌ nat aañ jix bhaiꞌ bañ dhuu.

’Baꞌ jax ña pim jix aaꞌndaꞌ yaꞌ dhi oiꞌñgaꞌn bhaan, puiꞌ jaꞌk jup tu tuiꞌkaꞌ jix dhaam jaꞌk buiñor guñ Gɨꞌkoraꞌ, aañ moo yaꞌ pu jam tɨtda. Piam na pim jax tɨꞌiidhaꞌ gio na pim tuꞌ cham aaꞌndaꞌ na puiꞌ tu tuiꞌkaꞌ yaꞌ dhi oiꞌñgaꞌn bhaan, puiꞌ jaꞌk jup tu tuiꞌkaꞌ jix dhaam jaꞌk.

Baꞌ miꞌ pɨx juugɨt tu aꞌga gu Jesuus gu dhiꞌ puꞌñi jaꞌk. Miꞌ dhɨr baꞌ moop ja tɨtda: ―Baꞌ aapiꞌm puꞌñip jam doodaꞌ guñ Gɨꞌkoraꞌ guiꞌ nax dhaam jup tuꞌiiꞌ noꞌ pim cham tu ja uañiꞌñ gu jam jaaduñ bɨɨx jam jujur kɨꞌn.

’Baꞌ gu jaroiꞌ noꞌt maakam iatgidhak jix buam ba tu mamtux gu jax chuꞌm alhii puiꞌ na jax dhiꞌñi nañ yaꞌ daaꞌ, noꞌ guꞌ tɨi ka tɨ jɨɨꞌñdhat aañ jiñ bui, jir am kat nam kuxboran buulhdhai gu mattur mu nuiꞌññaꞌ mu paiꞌ na gɇꞌ suuꞌnkaꞌ gu suudaiꞌ.

’¿Jax japim ɨlhdhat jiñ kɇɇ? Puiꞌ na jax maaꞌn gu maaꞌnkam noꞌ ja biaꞌ gu kakasnir jɨꞌk maaꞌn jix chamaam ooꞌm aix kam. Guꞌ baꞌ noꞌt guꞌ jax dhuukat maaꞌn maiꞌ ma bua mu paiꞌ gampɨx noꞌ ka tu bipiaꞌ, ¿cham japim ɨlhiiꞌñ na miꞌ ka xi ja doꞌñchoi gu jaiꞌ xi dhaiꞌññiaꞌ na tu gaaꞌmɨraꞌ?