Populaarsed piiblisalmid San Marcos 2

Jaga

Junni Jesuri yalaca tsanque pánanunca meráto itsantinue: —Quiyanpun itonlari doctorilaca munaralaratuchunae tinue. Quiyanpunlari doctorilaca munaralarachunae. Junni la doctor cuwenta joto, Sen joyoe timinlachi tenchi jatucayoe. Jutsa quiminlacari labe cayaisa tibi jacayoe tinue. Jesús fariséolabe tsantinue.

Aman junni Jesuri yaca tennaminla jonunca miito, ya quiyanpunbe itsantinue: —Lachi nao, nuchi jutsaca jera piyarinayoe tinue.

Junsi Jesús fariséolabe itsannan tinue: —Jasaino maca Diosi tsachilachi tenchi quinue tinue. Tsachilaca jasaino ma tenchi quitunue tinue.

Junni tsachila dilapowalaranan, Jesuchi fecári wichi tinatonan, podeilaitunue. Junni Jesús wiruranun tule jamochi yaca foroto, jun forose quiyanpun tsachica patarilaquinue jali cuyanbi punca.

La tsachi ica jun joto in tote jutsaca piyarinonan mantá tan joyoe. Yape mantá tan jonunca miilaisa, fe tenfe jonuncanan quechinayoe tinue. Junni mantá micariminlabe tsantisi, quiyanpunbe itsantinue: —La nuca mancupade! tinayoe tinue. Jalica mancato yaca manjide! tinue.

¿La quiyanpunchi jutsaca piyarinayoe tituan? tinue. Tsanque pacachi panori layan tenfe itoe. Juntonan quiyanpunca mancupato jalica mancato mannenasa carino, ya fe tenfe jochunae tinue. La mantimini palu cosacanan quino podeiyoe tinue.

Jesús tsantinunsi, quiyanpun jomin tsachiri mancupato, jalica mancato, tamochi nechi jeralelachi cale loto manjinue. Piyanlela wepanato quiranaminlanue. Junni aman piyanlela Diosica duque seque pato itsanlatinue: —Itsanquinuncari numatotiya quiratumin jominlayoe tilatinue.