Populaarsed piiblisalmid Daniel 7

Jaga

Dee jeef däm Macht un Pracht un Krauft. Un de Menschen von aule Velkja, Lenda, un Sproaken bäden am aun. Sien Rajcht to rejieren wudd nienich to Enj komen, un sien Rikj wudd kjeena äwanämen.

Un dan sach ekj noch en mienen Droom, daut eena derch de Wolkjen kjeem, däm daut no een Maun leet. Dis Maun wort däm väajestalt, däm siene Doag nich to talen wieren.

Doamet woat dan de Macht un daut Rejierungs Rajcht, un de Pracht von aule Lenda unjarem Himmel aulatoop no daut Volkj, daut däm hechsten Gott siene heilje sent, äwajäft woaren. Äa Kjennichrikj es een eewjet Rikj un aule Kjennichrikjs woaren am deenen un jehorchen.

Dan oba woat däm hechsten Gott sien heiljet Volkj daut Kjennichrikj kjrieen, un see woaren daut opp emma un eewich hoolen.