Populaarsed piiblisalmid Daniel 3

Jaga

Un Schadrach, Meschach un Abed Nego säden: Wie brucken die en dise Sach nich jehorchen. Wan du deist waut du jesajcht hast, dan kaun ons Gott, däm wie deenen, ons von däm heeten Hettowen un von diene Macht raden, un hee woat daut uk. Un wan hee daut nich deit, doawäajen saust du, ons Kjennich, weeten, daut wie nich woaren dienen Aufgott deenen ooda de goldne Jestault aunbäden.

Oba doa sent nu vea, säd hee. Ekj kaun dee seenen. Dee gonen doa em Fia rom un an es nuscht jeworden. Äare Strenj sent wajch un dee gonen doa jrodsoo rom! Dän vieeden lat äwahaupt no eenen Gott sien Sän.

Un Nebukadnezar säd: Ekj preis dän Gott dän Schadrach, Meschach un Abed Nego deenen. Dee haft sienen Enjel jeschekjt un an jerat. See jleewden am un horchten nich no mie, äaren Kjennich, un saden äa ieejnet Läwen opp Spell en däm daut see kjeenen aundren Gott aunbäden aus äaren ieejnen.

Un nu horcht: Wan irjentwäa von irjent een Volkj, ooda Launt ooda Sproak, irjentwaut sajcht wuamet dee Schadrach, Meschach un Abed Nego äaren Gott siene Iea wajchnemt, dämjanjen woat en Stekja jehakt woaren un sien Hus woat doljeräten woaren. Doa es sest noanich een Gott dee soo raden kaun.