Populaarsed piiblisalmid Gipadayag 11

Jaga

Unya gipatingog sa ikapitong anghel ang iyang trumpeta. May naninggit didto sa langit nga nag-ingon, “Ang gingharian sa kalibotan nahimo nang gingharian sa atong Ginoo ug sa iyang Cristo ug maghari siya hangtod sa kahangtoran!”

Nasuko pag-ayo ang kanasoran apan miabot na ang panahon sa imong kapungot ug ang paghukom sa mga nangamatay. Panahon na nga gantihan mo ang mga sulugoon mong mga propeta ug ang tanan mong katawhan, inila ug dili inila, ug ang tanang mahadlokon kanimo. Panahon na nga laglagon ang naghimog kadaot sa kalibotan!”

Ipadala ko ang duha nako ka saksi nga nagbistig sako ug isangyaw nila ang mensahe sa Dios sulod sa 1,260 ka adlaw.”

Apan tapos sa tulo ka adlaw ug tunga, kining duha ka propeta gibanhaw sa Dios ug nanindog sila ug nalisang pag-ayo ang tanan nga nakakita kanila.

May gahom sila sa pagtak-op sa langit aron dili moulan samtang magsangyaw sila sa mensahe sa Dios. May gahom usab sila sa paghimong dugo sa mga tubod sa tubig ug sa pagpahamtang sa tanang matang sa katalagman bisan unsang panahona nga gusto nila.

Kining duha ka saksi mao ang duha ka kahoyng olibo ug ang duha ka lampara nga anaa sa atubangan sa Ginoo sa kalibotan. Kon adunay buot mopasipala kanila, mogula ang kalayo sa ilang baba ug molaglag sa mga kaaway nila ug ang tanan nga buot mopasipala kanila mahiagom gayod sa kamatayon.