Populaarsed piiblisalmid Mga Hebreo 13

Jaga

Ayaw higugmaa ang salapi. Kinahanglang makuntento kamo sa unsay anaa kaninyo kay nag-ingon ang Dios, “Dili ko gayod kamo biyaan o talikdan.”

Si Jesu-Cristo mao gihapon kagahapon, karon ug sa walay kataposan.

Busa may kaisog kita sa pag-ingon, “Ang Ginoo maoy akong magtatabang, dili ako mahadlok; kay unsa bay mahimo sa tawo kanako?”

Ayaw kalimot pagbuhat sa maayo ug pagtinabangay kamo kay mao kini ang mga halad nga makapahimuot sa Dios.

Busa himoon ta kanunay ang halad ngadto sa Dios pinaagi kang Jesus. Mao kini ang halad sa pagdayeg gikan sa mga ngabil nga nagsugid sa iyang ngalan.

Angay pasidunggan sa tanan ang kaminyoon. Kinahanglang dili magmaluibon ang bana ug ang asawa kay hukman sa Dios kadtong makihilawason ug ang manapaw.

Ayaw kalimot sa pag-abiabi sa mga dumuduong diha sa inyong balay. May pipila nga naghimo niana ug wala nila hibaloi nga mga anghel diay ang ilang giabiabi.

Karon, ang Dios sa kalinaw nga nagbanhaw sa atong Ginoong Jesus, ang Gamhanang Magbalantay sa mga karnero, pinaagi sa dugo sa walay kataposang kasabotan, maghatag unta kaninyo sa tanang kaayohan aron matuman ninyo ang iyang kabubut-on. Himoon unta sa Dios dinhi kanato pinaagi kang Jesu-Cristo ang makapahimuot kaniya. Himayaon unta si Cristo hangtod sa kahangtoran! Amen.