Populaarsed piiblisalmid 2 Timoteo 4

Jaga

Gihimo ko kutob sa akong maabot ang pagpakiglumba ug natapos ko gayod kini. Giampingan ko ang akong pagtuo.

pagkugi kanunay sa pagwali sa mensahe sa tanang panahon gayod; daniha, badlonga, dasiga ug tudloi uban sa pagpailob ang mga tawo.

Moabot ang panahon nga ang mga tawo dili na mamati sa matuod nga pagtulon-an. Ang ila na hinuong gusto mao na lang ang ilang sundon ug magtawag silag daghang mga magtutudlo nga magsulti kanila sa buot nilang madungog. Dili na sila mamati sa kamatuoran kondili sa mga tinumotumo nga mga sugilanon.

Apan kinahanglan nga magpugong ka kanunay sa imong kaugalingon. Antusa ang mga kasakitan. Buhata ang katungdanan sa usa ka magwawali sa Maayong Balita ug tumana ang imong buluhaton ingon nga sulugoon sa Dios.

Ug karon gitagana alang kanako ang ganti sa kadaogan, ang purongpurong sa pagkamatarong nga niadto unyang adlawa iganti kanako sa Ginoo, ang matarong nga Maghuhukom. Ug kini dili kanako lamang kondili sa tanan gayod nga nagpaabot sa iyang pagpadayag.