Populaarsed piiblisalmid 1 Timoteo 1

Jaga

Tinuod angay dawaton ug tuohan sa hingpit ang giingon nga mianhi si Cristo Jesus sa kalibotan aron sa pagluwas sa mga makasasala ug ako ang labing daotan kanila.

Apan gikaluy-an ako sa Dios aron dinhi kanako nga labing daotan sa mga makasasala, ikapadayag ang hingpit nga pailob ni Cristo Jesus aron nga mahimo akong panig-ingnan alang sa tanan nga motuo unya kaniya ug makadawat sa kinabuhing dayon.

Ang tuyo niining maong pahimangno mao nga magbaton kamog gugma gikan sa usa ka putli nga kasingkasing, limpyo nga konsensya ug tinuod nga pagtuo.

Alang sa Hari nga walay kataposan, walay kamatayon ug dili makita, ang bugtong Dios—kaniya ang dungog ug himaya hangtod sa kahangtoran! Amen.

Ug angay hinumdoman nga ang mga balaod wala himoa alang sa mga maayong tawo kondili alang sa mga malapason, sa mga kriminal, sa mga walay kahadlok sa Dios ug sa mga makasasala. Gihimo kini alang sa mga dili diosnon ug dili balaan, sa mga tawo nga nagpatay sa ilang amahan o inahan, sa mga mamumuno, sa mga makihilawason ug sa mga lalaki nga makighilawas sa isigkalalaki, sa mga mamimihag ug tawo, sa mga bakakon ug sa nagbuhat sa tanan nga supak sa tinuod nga pagtulon-an.