Populaarsed piiblisalmid 1 Pedro 4

Jaga

Labaw sa tanan, paghigugmaay kamo sa kinasingkasing gayod kay ang gugma nagtabon sa daghang mga sala.

Ingon nga maayong piniyalan sa nagkalainlaing mga gasa sa Dios, kinahanglan nga gamiton sa tagsatagsa ang talagsaong gasa nga iyang nadawat gikan sa Dios alang sa kaayohan sa uban.

Ang magwali kinahanglan nga magwali sa pulong sa Dios. Ang nag-alagad kinahanglan nga mag-alagad sumala sa kusog nga gihatag kaniya sa Dios aron nga sa tanang butang daygon ang Dios pinaagi kang Jesu-Cristo kay iya man ang tanang dungog ug gahom hangtod sa kahangtoran! Amen.

Apan kon kamo nag-antos tungod sa inyong pagka-Cristohanon, ayaw ninyo ikaulaw kini. Pasalamati hinuon ninyo ang Dios nga kamo mga Cristohanon.

Duol na ang kataposan sa tanang butang. Busa pagpugong ug pagbantay kamo sa inyong kaugalingon aron makaampo kamo.

Mga minahal kong igsoon, ayaw kamo kahibulong sa mga mapait nga pagsulay nga inyong giantos. Ayaw kini isipa nga talagsaong butang nga nahitabo kaninyo. Paglipay hinuon nga nakaambit kamo sa mga pag-antos ni Cristo aron magmalipayon kamo inigpadayag na sa iyang himaya.

Batasana ninyo ang pag-abiabi sa usag-usa sa walay pagbagulbol.

Busa kadtong nag-antos sumala sa kabubut-on sa Dios, kinahanglan magbuhat sa maayo ug magtugyan sa ilang kaugalingon ngadto sa ilang Magbubuhat nga matinumanon sa iyang saad.

Tungod kay si Cristo nag-antos man niining kinabuhia, kinahanglan nga kamo andam usab sa pag-antos kay kinsa kadtong nag-antos niining kinabuhia dili na gayod magpabilin sa pagpakasala. Busa sukad karon pagkinabuhi kamo sumala sa kabubut-on sa Dios ug dili na sa tawhanong kailibgon.

Bulahan kamo kon gipakaulawan kamo tungod sa inyong pagsunod kang Cristo kay kini nagpasabot lamang nga ang mahimayaong Espiritu, ang Espiritu sa Dios, anaa kaninyo.