Populaarsed piiblisalmid Mark 13

Jaga

Dəwje lai d’a kḛji sí bəḭ-bəḭ gə mbata lə rim, nɛ yeḛ gə́ ai mée sam-sam saar mba kar nérea ɔr dɔ njal teḛ ne ndɔ gə́ rudu’g lé ndá a kaji ya.

Maji kar meḛ sí dɔ rɔ sí’g ləm, síje dɔ kəji sí’g kəgəgə raje tamaji lé ləm tɔ, mbata seḭ gərje kàree gə́ né neelé a teḛ keneŋ el.

Loo gə́ d’a ndɔr sí kaw sə sí loo-gaŋg-rəwtaje’g ndá arje meḛ sí pélé wəs-wəs dɔ ta gə́ seḭ a kila deeje keneŋ el, nɛ ta gə́ d’a kula ta sí’g mee kàree’g neelé ɓa gə́ paje ya. Mbata to seḭ nja ɓa a kḭje gə ta neelé paje gə dɔrɔ sí el nɛ Ndilmeenda ɓa a kula ta ta sí’g ya.

Dara gə naŋg nee d’a dəs wuduru gə lèlé ba, nɛ ta ləm a kudu nda̰ el.

Nɛ ta gə́ wɔji dɔ ndəa əsé dɔ kàree lé dəw kára kara gər el ɓəi, dəwje gə́ dara gər el ləm, Ŋgon kara gər el ləm tɔ, nɛ Bɔ-dəwje nja kára ba kiao ɓa gər ya.

Loo gə́ seḭ ooje ta rɔ gə́ dəwje rɔ na̰ ləm, gə sor rɔ gə́ d’a kɔr ləm tɔ lé ndá maji kar sí ɓəlje gə mbəa el mbata lé riri kara néje neelé d’a teḛ ya. Nɛ ndɔ gə́ rudu lé nai ya dɔrɔ ɓəi.

Bèe ndá maji kar sí síje dɔkəji sí’g kəgəgə mbata seḭ gərje ndɔ ree lə mbai gə́ njekəi lé el. Kàrkemetag əsé dan loo bab əsé gə kona gə́ no̰, əsé teḛ gə ndɔ rad kara seḭ gərje el. Ɓəlje nà banelə loo gə́ yeḛ a teḛ dɔ sí’g wai ndá a kiŋga sí dɔ ɓi’g. Né gə́ ma m’ula sí lé ma m’ula dəwje lai to: sije dɔkəji sí’g kəgəgə ya.

Ginkoji dəwje gə́ dəb kára d’a kḭ gə ginkoji dəwje gə́ loo gə́ raŋg’d ləm, ɓeeko̰ gə́ dəb kára a kḭ gə ɓeeko̰ gə́ loo gə́ raŋg’d ləm, naŋg a yə gə loo-loo ləma, ɓoo-boo a koso gə loo-loo ləm tɔ. Yee ɓa gə́ némeeko̰ gə́ un kudee gə́ kun ɓəi.

Lé riri kara tagə́maji lé d’a kila mberee gə mba karee oso gə loo-loo rɔ ginkoji dəwje gə raŋg’g lai kédé ɓa néje neelé a teḛ ɓəi.

Njé gə́ na̰je bula d’a kun rim ree ne ndá d’a pana: To ma nja. D’a su ne kəm dəwje bula tɔ.

Meḛ sí dɔ rɔ sí’g. D’a teḛ sə sí loo-gaŋg-rəwtaje’g ləm, d’a kunda sí gə ndəi-kɔb mee kəi-kwa-dɔ-na̰je’g ləm tɔ. D’a kaw sə sí no̰ njéguburuɓeeje’g gə no̰ mbaije’g gə mbàm mba kar sí ɔrje ne goo ta ləm ar deeje tɔ.

Mbata njéndaji kəm Kristije gə́ ŋgɔm ləm, gə njétakorije ləm tɔ lé d’a kḭ gə mba ra nékɔbje gə némɔrije mba su ne kəm loo, banelə d’a su ne kəm deḛ gə́ to gə kəmee ya tɔ.

Mee ndəaje’g neelé loo gə́ néɓəŋgərəti godo mba̰ ndá kàr a tel ndul njudu-njudu ləm, naḭ a ndogó el ləm, kéréméje d’a kḭ dara toso ləma, nésḭga ŋgəŋje lə dara d’a yə ɓugu-ɓugu ləm tɔ.