Populaarsed piiblisalmid Matiyo 6

Jaga

Saŋje ɓeeko̰ lə Ala gə meekarabasur ləa kédé ɓa néje lai neelé yeḛ a kar sí dɔ’g ɓəi.

Arje meḛ sí to kəgəgə dɔ lookàr gə́ bèlè’g el mbata bèlè lé nja ɓa gə́ njegər nérea ya. Maji kar meeko̰ gə́ gə ndɔ-ndɔ lé udu gə́ mee ndəa’g ya bo̰-bo̰.

Bèe ɓa ma m’ula sí, arje meḛ sí pélé wəs-wəs dɔ rɔ sí’g el ləm, gə dɔ nésɔ sí əsé dɔ nékṵ rɔ sí’g el ləm tɔ. See si kəmba lə sí ur dɔ nékusɔ’g el wa. See darɔ sí ur dɔ kubu-kula-rɔ sí’g el wa.

Nɛ i lé maji kari-i nja gə kari ba andə mee kəi’g ləi udu takəi dɔi’g ra tamaji ta Bɔbije gə́ njesi loo-ŋgəḭ’g lé yen ɓa Bɔbije gə́ njekoo né gə́ to loo-ŋgəḭ’g lé a kari née ɓəi.

Seḭje lé maji kar ndukwɔi lə sí ɓa to nee: Bɔ síjeḛ, i gə́ sí rudu dara’g, Maji kar rii to gə kəmee ɓəd ləm, Maji kar ɓeeko̰ ləi taa naŋg nee pəl-pəl ləma, Maji kar deḛ gə́ dɔ naŋg nee ra torndui d’aree ɔr rɔd to gə́ deḛ ra dara ləm tɔ.

Ar síjeḛ muru lə sí gə́ ɓogənè aree as lée béréré ya

Ar məəi ti mbidi dɔ meekɔsgel’g lə sí To gə́ jeḛ kara j’ar meḛ sí ti mbidi dɔ ka̰ dee-deḛ gə́ meḛ dee ɔs sə sí gel.

Loo gə́ j’a gə ndəm lé ndá taa sí ji njekurai’g Ɓó ya̰ sí dan nékər’g el. Loo-ko̰ɓee ləm, gə siŋgamoŋ ləma, gə doŋgɔr rɔnduba ləm tɔ, Deḛ to kaḭ gə ləbi-ləbi saar-saar gə nɔḭ. Amen.

Ɓó lé meḛ sí ti mbidi dɔ meekɔsgel’g lə mar síje lé ndá Bɔ síje gə́ si dara lé a kar mée ti mbidi dɔ ka̰ sí-seḭ’g tɔ.

Oreeje kəm sí dɔ yelje gə́ d’aw tar oo deeje. Deḛ lé dubu né el ləm, d’inja kó d’ɔm dàmá lə dee el ləm tɔ nɛ Bɔ síje gə́ njesi dara ɓa ul dee lé. See oo sí gə́ nékundaje ləa gə́ majije unda deeje el wa.

Waje nébaoje gə́ dɔ naŋg nee ləm-ləm el, to loo gə́ dirije d’unda né keneŋ tuŋgu-tuŋgu ləm, né wɔməs keneŋ ləma, njéɓogoje kɔdé loo ɓogo keneŋ ləm tɔ. Nɛ maji kar sí waje nébaoje lə sí gə́ dara ɓa ləm-ləm, loo gə́ dirije d’unda né keneŋ el ləm, né wɔməs keneŋ el ləma, njéɓogoje kɔdé loo ɓogo keneŋ el ləm tɔ. Mbata loo gə́ nébao ləi to keneŋ ndá lée neelé məəi a to gə́ keneŋ kərm tɔ.

Dəw kára askəm ra kula kar ɓéeje joo el, nà banelə a kwa gə yeḛ gə́ kára mée’g nɛ a kunda yeḛ gə́ kára ɓa dan kəmee’g tɔ, əsé yeḛ a ki rəa kər-kər gə́ rɔ yeḛ gə́ kára’g nɛ a ɓaar yeḛ gə́ kára tɔ. Seḭ asjekəm kundaje-kunda Ala lé ləm, gə kundaje-kunda néhulaije gə́ dɔ naŋg nee ləm tɔ ɓa korèje ne na̰ el.

Ɓó lé Ala ar muje d’ḭ ma̰də nɛ mu gə́ ḭ ma̰də ndɔ kára ba d’inja yel ne pər mee pil’g nɛ ɓəd ɓa see Ala a lal kar sí kubu-kula-rɔ sí’g wa, seḭ njémeekunje gə́ əḭ el.

Nɛ loo gə́ i un né ləi ar njéndooje ndá ar jigeli gər né gə́ jikɔli ra lé el. Bèe ɓa nojikwa ləi lé a to né gə́ gə goo ŋgəḭ ɓó a to kəm dəwje’g el. Yen ɓa Bɔbije gə́ njekoo né gə́ to loo-ŋgəḭ’g lé a kari née ɓəi.

Yen, meḛ sí dɔ rɔ sí’g nà a kundaje néra meekarabasur lə sí kəm dəwje’g. Ɓó lé seḭ undaje néra meekarabasur lə sí kəm dəwje’g togə́bè ndá a kiŋgaje née ji Bɔ síje gə́ si dara lé nda̰ el.

Loo gə́ seḭ ɔgje meḛ sí ɓoo lé ndá arje kəm sí mas mbidi-mbidi dɔ’g to gə́ ka̰ njéhulaije lé bèe el. Deḛ nja d’ula kəm dee na̰’d sir-sir gə mba kar dəwje d’oo dee to gə́ d’ɔg meḛ dee ɓoo. Ma nja m’ula sí woḭ, ɓai née ya d’iŋga kən mba̰. Nɛ i lé loo gə́ i ɔg məəi ɓoo lé ndá togo kəmi ləm, ndèm ubu dɔi’g ləm tɔ gə mba kar kɔg gə́ i ɔg məəi ɓoo lé i a kunda ne rɔi kəm Bɔbije gə́ njesi loo-ŋgəḭ’g ɓó kəm dəwje’g el. Bèe ɓa Bɔbije gə́ njekoo né gə́ to loo-ŋgəḭ’g lé a kari né gə́ i aw ndée ɓəi.