Populaarsed piiblisalmid Matiyo 18

Jaga

Mbata loo gə́ dəwje joo əsé munda d’wa dɔ na̰ gə rim-ma ndá ma nja m’aar mbuna dee’g ya.

Ma m’ula sí tɔɓəi, ɓó lé dəwje joo mbuna sí’g d’ɔm meḛ dee na̰’d sad mba dəji Ala né gə́ ban-ban kara Bɔm gə́ si dara a kar dee ya.

Jeju ɓar ŋgon gə́ gɔ bèe aree aar tar dan dee’g ula dee ne pana: Ma m’ula sí təsərə, ɓó lé seḭ ɔsje badm telje el ləm, a kosoje kas asəna gə ŋganje gə́ gɔ el ləm tɔ ndá seḭ a kulaje dɔ sí ɓeeko̰ gə́ dara lé wɔr el.

Togə́bè ɓa nana ɓa gə́ a kula dəa asəna gə ŋgon gə́ gɔ neelé ndá yeḛ neelé a to njekur dɔ maree’g mee ɓeeko̰ gə́ dara ya.

Nana ɓa gə́ wa ŋgon gə́ gɔ gə́ togə́bè gə́ rəa’g gə rim-ma ndá ma nja wam gə́ rəa’g kən.

Ma m’ula sí təsərə, né gə́ rara ɓa gə́ seḭ a tɔje dɔ naŋg nee kara d’a tɔ dara ləm, né gə́ rara ɓa gə́ seḭ a tuduje dɔ naŋg nee ndá kara d’a tudu dara tɔ.

Togə́bè ɓa ɓó lé nana ɓa mbuna sí’g a kar mée oso lemsé gə meendakaḭ dɔ ŋgokea̰’g el ndá Bɔm gə́ si dara lé a ra səa né togə́bè tɔ.

Nɛ nana ɓa gə́ ər ŋgon gə́ gɔ gə́ mbuna mareeje gə́ d’ɔm meḛ dee dɔm’g neelé ilá dan kaiya’g ndá tɔ biri mbal gwɔs debee gə́ neelé kunee kilá ŋgɔrəw-baa’g, maji unda karee si kəmba ya.

Gə́ meḛ sí-seḭ’g banwa. Ɓó lé dəw to njebadje gə́ tɔl nɛ yeḛ gə́ kára ndəm igi lé see a kya̰ deḛ gə́ rɔ-jinaikara-gir-dee-jinaikara dɔ mbal’g mba kaw ndolè yeḛ gə́ ndəm igi lé el wa.