Popular Bible Verses from Heb 4

Jaga

A spaxti Dios pitzn yaji, caw 'ay spoder. 'Icha junc espada caw jay ye 'a schab'il, 'ixta yaj spaxti tic. Yuj cha, 'icha to tztecx 'och 'a qui pixnec, yet' 'a qui nab'enec, 'icha junc espada tztecx 'och 'ayn̈ec. Yujto a tzch'oxn 'eli tas tzqui na junjn on̈ec, yet' tas tzlaj qui nib'jec.

Yuj cha, caw man̈ on̈ xiwc qui c'ochc 'a sdespacho Dios, 'a 'aj tzcheclj 'el swach'c'ojlal. Ata tz'o'ch sc'ojl 'ayn̈ec, tzch'oxn swach'c'ojlal, 'a yic 'ay tas 'ay tz'och cujec.

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.

May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.

'Ay wal jun tz'a'n 'och qui tic 'a Dios, caw niwn yel'chi, atn Jesús Yunnal. A c'ochnc 'a satcha'an̈, 'a caw stz'ey Dios. Yuj cha, yowlal caw te'n tzcutjec ca'n 'och qui c'ojl 'a 'a, yujto a 'a tzcalc qui b'a.

Yuj cha, ca'c wal 'ip cochc 'iljoc yuj Dios, sec wach' may junc on̈ec tzqui b'eylb'ej sb'eyb'al eb' ma'ix ya'ch 'a sc'ojl cha.