Popular Bible Verses from Heb 1

Jaga

A tzch'oxn 'el swach'l Dios, yujto caw lajn swach'l yet'oc. Caw wal lajnn̈ej snab'en yet' Dios. Yujn̈ej spaxti Yunnal tic, wach'n̈j yec' smasnil tas, yujto a spaxti tic, caw niwn spoder. Ax yic xlajw yi'n can 'el qui mulec, 'ix 'at 'em wocn 'a swach' c'ab' Dios 'a satcha'an̈.

A 'a pecti', til wal yoclemal tas yutjnac Dios yaln 'a eb' qui mam quichmec. Til wal 'ejm sc'anlb'ejnac eb' schecab'. Ax 'a jun slajb' tiempoal tic, atn wal Yunnal sc'anlb'ej yic yaln 'ayn̈ec. A yet' Yunnal tic sb'ojnac yolyib'n̈q'uinal, yet' smasnil tas 'ay 'a 'a. Ax 'a Yunnal tic, ata ya'jnac smasnil tas yico'oc.

Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.

Tzyaln pax 'ixtic: Ach Cajlil, a 'a yic tax x'el yich, ach a b'ojnac lum lum tic. Ach a b'ojnac pax satcha'an̈. Smasnil jun tzo'n̈ a b'ojnac tic, 'oj lajwc 'eq'ui, palta ach xo, 'aych 'ec'n̈ej 'a smasnil tiempo. Smasnil jun tzo'n̈ tic, 'oj 'ichmaxc eb' 'icha pichul.