Populaarsed piiblisalmid Matius 19

Jaga

Yesuse natngalo si taga nu, “Smatna bisa pa bo rfasalamate si riri dirica tutulingna. Ga Jou Lahatalla be ta bisa nfasalamate smatna, ga bo Jou Lahatalla ahai be bisa ndadi i.”

Gabe smatna silu panto hawe, ga ndadi be isa. Gabe tina, ahai Jou Lahatalla npei denabe ndadi isa, smatna mdel pa ta bo tfatalak.”

Gabe Yesuse nua si, “Japa mew fbaca to mali Jou ni Kitabca, tantuba mali be oras ta Jou Lahatalla npei smatnana, I npei man fare maping. Ga Jou Lahatalla nu laitane, ‘Gabe tina, manna osta rfateame hma re hnyerina taga si re riri ngolo si ndadi be isa.’

Gabe Yesuse nua ni murit tina, “Inanai to wai nena tane rlafo mali Ya i. Mati ftolea si na. Wai nenena tane rcombong pa fare jampa be rdela famafia. Si tina ta rpo riri dirica lali Jou Lahatalla i bo I nkawasa ndadi Kolano mali riri tubca.”

Smatna lal ta smat mamagal si mali dunia tae, lomanta rdadi smat ta riri ngale pa, ga smat ta riri ngale pa mali dunia taena, osta rdadi smat mamagal si.”

Ga smat ta rderera Ya denabe nfateame ni ebaica, ramaca fare tenoca, i hma fare hnye, ntuna fare betna, smat cia osta nduk hawe tuwtuwafe slubisa farumi tina, fare i bena osta nduk tub re Jou Lahatalla denabe lali.

Yesuse nua i, “Gabe laisa mlokolo mderera Jou Lahatalla re fatutua, aw mfane to bo mwage farumi anim aratana, taga ni tiwina moce smat ta riri re rari pana. Gabe aw mpei laina, aw mduk arata mali sorogai. Fola tina, aw mali to bo mderera Ya.”

Yesuse nua i, “Pesaga aw mfautno Ya okosesi ta mafianana? Ta mafiana Jou Lahatalla be. Gabe aw mailow mduk tub re Jou Lahatalla, awe nane mderera Jou Lahatalla ni parentana.”

Fare mew flolam hawe ta Ya iku tane, mafia sube unta isa ncung paplaki mtana ga ta ncusa i foloina smat ta ni re na ga bo npo ni dirica bo Jou Lahatalla Nkawasa mali i ni tubca.”

Flonga famafiae, manca bisa ntalake ni ngolota gabe laisa ni ngolota nyal sal. Gabe enpa, ga manca ntalake ni ngolota, taga man cia nfasawa mapinge nesa, mali Jou Lahatalla nbona man cia ncale to, ningalena i nlokolo maping ta i ni ngolo i pa.”

Fola tina, Yesuse nua ni muritna, “Flolam famafia ta Ya ikuwa mewna, ncusa ina gaole smat ta rkayangna riri dirica bo rpo Jou Lahatalla Nkawasa ndadi Kolano mali riri tubcana.