Popular Bible Verses from San Mateo 2

Share

Chai huasipi yaicushpanguna ricurgacuna huahuata mamanhua pacta cajushcata, Chaibi cungurishpa mañashpa cushichirgacuna. Chaihuasha pascashpanguna maletangunata regalargacuna valic orota, mishquijlla asnac caspi huiqui inciensota, sangu caspi huiqui mishquijlla asnac mirrata.

Jesús huahuayarirga Belembi, Herodes cashpan rey tucui provincia Judeapi. Chai uras masna estrellata yachaccuna shamurgacuna indi llucshinamanda pactargacuna Jerusalenma. Chaibi tapurgacuna: «¿Maibita judiucunapa reyca huahuayarishca? Paiba estrellandami llucshishcanda ricushcanchi indi llucshina parti, chairaigumi shamushcanchi cungurishpa paida mañanapa.»

Estrellata ricushpanguna, achcata cushicurgacuna.

Yaya Dios rimashpan estrellata yachacunata muscuiningunapi, mana cutinangunapa Herodesma, chairaigu cutirgacuna shuc ñambitana llactangunama. Cutishcanguna huasha estrellata yachacuna, shuc ángel Yaya Diospa Joseta muscuinimbi ricurirga paida rimarga: «Atari, cai huahuata apishpaigui mamanhua pacta miticuichi Egiptuma, chaillapi quiparingui ñuca rinainicama Herodesca mascangami cai huahuata huanchinamba.»