1
ମାତିଉ 7:7
Dawik Kui
DWK
“ୱ୍ରିହ୍ଦୁ ମିଙ୍ଗେ ହିୱା ଆନେ, ଦାହ୍ଦୁ ମିରୁ ପାଁଣ୍ଡେରି; ଦାରାତାୱା ୱେଦୁ, ମି ବାଗାଟି ଦାରା ଗେର୍ପା ଆନେ ।
Võrdle
Avasta ମାତିଉ 7:7
2
ମାତିଉ 7:8
ଇନାକି ଏମ୍ୱେନାଞ୍ଜି ୱ୍ରିହ୍ନେଞ୍ଜି, ଏୱାଞ୍ଜିକି ହିୱା ଆନେ; ଏମ୍ୱେନାଞ୍ଜି ଦାହ୍ନେଞ୍ଜି ଏୱାଞ୍ଜି ପାଁନେଞ୍ଜି, ଆଟେ ଏମ୍ୱେନାଞ୍ଜି ଦାରାତାୱା ୱେନେଞ୍ଜି ଏୱାଞ୍ଜ୍ ବାଗାଟି ଦାରା ଗେର୍ପା ଆନେ ।
Avasta ମାତିଉ 7:8
3
ମାତିଉ 7:24
“ଏଦାକି ଏମ୍ୱେନାଞ୍ଜିକି ନା ଇ ହାବେ କାତା ୱେନେଞ୍ଜି ଅଟେ ପାଲ୍ନି ଆନେଞ୍ଜି, ଏୱାଞ୍ଜି ୱାଲ୍ଲି କୁଃଏଟି ଇଡ୍ଡୁ କ୍ଲେହନ୍ତି ରଃଅଞ୍ଜି ବୁଦ୍ଦିଗାଟି କୁଏଞ୍ଜି ଡେହେଙ୍ଗ୍ ଆନେଞ୍ଜି ।
Avasta ମାତିଉ 7:24
4
ମାତିଉ 7:12
“ଏଦାବାଗା ଦାଲ୍ଲା ମିଙ୍ଗେ ଇନିୱାହୁ ବେବାର୍ କିଆକାରି ଇଞ୍ଜାନ୍ ଏଲୁ କିଞ୍ଜେରି, ମିରୁ ୱାଡ଼େ ଏୱାରିକି ଏହେଙ୍ଗିସି ବେବାର୍ କିଦୁ, ଇନାକି ଇଦିନେଃଏ ଆଇନେ ମସାତି ହାଜୁ ଅଟେ ବାବବାଦିଙ୍ଗ୍ ପୁତିତି ମୁଲନ୍ କାତା ।”
Avasta ମାତିଉ 7:12
5
ମାତିଉ 7:14
ଆଟେ ପରନ୍ଇନ୍ଦା ଅପନ୍ତି ଗିଜ୍ଜୁ ସୁକ୍କେର୍ ଅଟେ ଏଗେଲ୍ କସ୍ଟ । ଆଟେ ଏ ଗିଜ୍ଜୁତାୱା ହାଲ୍ବନ୍ତାରି କକ୍ଚି ।”
Avasta ମାତିଉ 7:14
6
ମାତିଉ 7:13
“ସୁକ୍କେର୍ ଦାରା ହିଆନ୍ ହଡୁ, ଇନାକି ନାହେଡ୍ ଇନ୍ଦା ଅନ୍ତି ଦାରା ଅହେର୍, ଆଟେ ଇ ଅହେର୍ ପାହେର୍ ହିଆନ୍ ହାଲ୍ବନ୍ତି ଦାଲ୍ଲା ଏଗେଲ୍।
Avasta ମାତିଉ 7:13
7
ମାତିଉ 7:11
ଏଦାକି ମିରୁ ଡ଼ଃଆନାତେରି ଆତେସ୍ୱାଡ଼େ ମି ବଦାଙ୍ଗ୍ନିକି ନେହି ନେହି କୁଲା ହିଅନ୍ ପୁଞ୍ଜିଞ୍ଜେରି, ଏହେଙ୍ଗ୍ ଆତେସି ମି ସର୍ଗତି ଆବା ତାଙ୍ଗେ ୱ୍ରିହ୍ପିନ୍ନାରିକି ଏଚ୍ଚେ ଗାପ୍ଚି ନେହି ନେହି କୁଲା ହିଃଏଞ୍ଜି ?”
Avasta ମାତିଉ 7:11
8
ମାତିଉ 7:1-2
“ମିରୁ ଇନିମିଡି ବିଚାର ଆଃଏରି, ଏଦାବାଗା ବିହି ଦାଲ୍ଲାନିକି ବିଚାର କିଃଆଟୁ । ଇନାକି ମିରୁ ଇନିୱାହୁ ବିଚାର କିଦେରି, ଏଚିଡେହେଙ୍ଗ୍ ମିଙ୍ଗେ ବିଚାର କିୱା ଆନେ; ଅଟେ ଇମ୍ୱିନାଦା ଡ଼ାହି ଡାଚିଦେରି, ଏଦା ଡ଼ାହି ମିଙ୍ଗେ ୱାଡ଼େ ଡାଚାଆନେ ।
Avasta ମାତିଉ 7:1-2
9
ମାତିଉ 7:26
ଆଟେ ଏମ୍ୱେନାଞ୍ଜିକି ନା ଇ ହାବେ କାତା ୱେଞ୍ଜାନାହି ପାଲ୍ନି ଆଃଏଞ୍ଜି ଏୱାଞ୍ଜି ବାଲୁ କୁଃଏଟି ଇଡ୍ଡୁ କ୍ଲେହାନ୍ନି ରଃଅଞ୍ଜି ମୁର୍କଗାଟାଞ୍ଜି ଡେହେଙ୍ଗ୍ ଆନେଞ୍ଜି ।
Avasta ମାତିଉ 7:26
10
ମାତିଉ 7:3-4
ଆଟେ ନିନୁ ନି କାନ୍ନୁତାୱା ମାନ୍ନି ବେର୍ ଚିହେଲ୍ତିଦି ହୁଡ଼େଟେଃଏ, ଇନ୍ନା କିଅନ୍ ନି ଆମ୍ୱେସ୍ କାନ୍ନୁତାୱା ମାନ୍ନି ଡଟି ଚିହେଲ୍ତିଦି ହୁଡ଼େଞ୍ଜି ? ନି କାନ୍ନୁତାୱା ବେର୍ ଚିହେଲ୍ ମାଞ୍ଜି ମାଞ୍ଜି ନିନୁ ଇନିମିଡି ନି ଆମ୍ବେସ୍ନିକି ୱାମୁ ନାନୁ ନି କାନ୍ନୁତାୱାଟି ଡଟି ଚିହେଲ୍ ୱେଚାଦାଃଇ ଇଞ୍ଜାନ୍ ୱେସ୍ଦି ?
Avasta ମାତିଉ 7:3-4
11
ମାତିଉ 7:15-16
“କଲ ବାବବାଦିଙ୍ଗ୍ ତାୱାଟି ନେହେନ୍ ବାସାଆଦୁ; ଏୱାରି ମେଁଣ୍ଡାଅଡାଙ୍ଗ୍ତି ୱାନ୍ନା ଆହାନାହି ମି ଟାକ୍କେ ୱାଇନ୍ନେରି, ମତ୍ର ହଡାଙ୍ଗ୍ନାୱା ଏୱାରି ରାଗାଗାଟି କ୍ଡାଡିଙ୍ଗ୍ ଡେହେଙ୍ଗ୍ ! ଏୱାର୍ତି କାମାତାୱାଟି ମିରୁ ଏୱାରିକି ପୁଞ୍ଜେରି । ଦାଲ୍ଲା ଇନ୍ନା ହାପ୍କା ମ୍ରାନୁଟି ଅଙ୍ଗୁର କି କଟଡ଼୍ ମ୍ରାନୁଟି ତଗା ଏସ୍ପିନ୍ନେର୍ମା ?
Avasta ମାତିଉ 7:15-16
12
ମାତିଉ 7:17
ଏଚିଡେହେଙ୍ଗ୍ ନେହି ମ୍ରାନୁତାୱା ନେହି କାଉ ଆଗିନେ, ମତ୍ର ଡ଼ଃଆନ୍ ମ୍ରାନୁତାୱା ଡ଼ଃଆନ୍ କାଉ ଆଗିନେ ।
Avasta ମାତିଉ 7:17
13
ମାତିଉ 7:18
ନେହି ମ୍ରାନୁ ଡ଼ଃଆନ୍ କାଉ ଆଗନ୍ ମୁଃଏ, ଅଟେ ଡ଼ଃଆନ୍ ମ୍ରାନୁ ନେହି କାଉ ଆଗନ୍ ମୁଃଏ ।
Avasta ମାତିଉ 7:18
14
ମାତିଉ 7:19
ଇମ୍ୱିନ୍ ମ୍ରାନୁ ନେହି କାଉ ଆଃଗେଏ, ଏଦା କାତାନାହି ନାଡ଼ିତାୱା ତୁହ୍ପା ଆନେ ।
Avasta ମାତିଉ 7:19