Populaarsed piiblisalmid ମାତିଉ 5

Jaga

ଆଟେ ଦାଲ୍ଲା ଡୁବ୍ବି ପ୍ରୁସାନ୍ ମାଡ଼ା ନେତେ ଇଟ୍ଟେରି, ମତ୍ର ଡୁବ୍ବି ମୁଣ୍ଡାତାୱା କିଟ୍ଟିନେରି, ଏମ୍ୱାଟି ଏ ଡୁବ୍ବିତି ଅଲା ଇଡ୍ଡୁତାୱା ମାନ୍ନି ହାବେ ଦାଲ୍ଲାନିକି ଅଲା ହିନେ । ଏହେଙ୍ଗିସି ମି ଅଲା ଦାଲ୍ଲା ନକେସି ପଙ୍ଗାକାଦି, ଇନିସ୍ ଏୱାରି ମି ନିଗ୍ଗା କାମା ହୁଡ଼ାନ୍ ମି ସର୍ଗତି ଆବାନିକି ଗଉରବ ହିନେରି ।”

ମିରୁ ପୁର୍ତିତି ଅଲା ଡେହେଙ୍ଗ୍ । ହରୁ କୁଃଏଟି କ୍ଲେହାନ୍ନି ଗାଡ଼ାନାଜୁ ମ୍ରାଗାନ୍ ବାସାଆଅନ୍ ମୁଃଏ

ପିର୍ରି ହଡାଙ୍ଗ୍ ଗାଟାରି ଦନ୍ୟ, ଇନାକି ଏୱାରି ମୁଲାପେନୁନିକି ହୁଡ଼ିନେରି ।

ଦର୍ମ କାମା କିଅନ୍ ବାଗାଟି ହାକ୍କି ଅଟେ ଏସ୍‌କିଟି ମାନ୍‌ବନ୍‌ତି ଦାଲ୍ଲା ଦନ୍ୟ, ଇନାକି ଏୱାରିକି ସନ୍ତୁସ୍ଟ କିୱା ଆନେ ।

ମତ୍ର ନାନୁ ମିଙ୍ଗେ ୱେସ୍‌ପିଞ୍ଜା, ମି ସତ୍ରୁଙ୍ଗ୍‌ନିକି ଜେଡା କିଦୁ, ଆଟେ ଏମ୍ୱେନାରି ମିଙ୍ଗେ ବିହାନପୁ ହିଞ୍ଜାନେରି, ଏୱାର୍ ବାଗାଟି ପ୍ରାତ୍‌ନା କିଦୁ

“ଏମ୍ୱେନାରି ଡିଙ୍ଗାଟି ପାଃନାନାରି ଏୱାରି ଦନ୍ୟ, ଇନାକି ସର୍ଗ ରାଜି ଏୱାର୍‌ତାଦି ।

ଲତୁ କିଅନ୍‌ତାରି ଦନ୍ୟ, ଇନାକି ଏୱାରି ମୁଲାପେନୁତି ମ୍ରିଃଏଞ୍ଜି ଇଞ୍ଜାନ୍ ପଙ୍ଗିନେରି ।

କିରେଡ଼୍ ଆନ୍ ଡ଼ିନ୍ନି ଦାଲ୍ଲା ଦନ୍ୟ, ଇନାକି ମୁଲାପେନୁତାୱାଟି ଏୱାରି ମାତି ଆନେରି ।

ଦର୍ମ କାମା ବାଗାଟି ବିହାନପୁ ପାଁଣ୍ଡିନ୍ନି ଦାଲ୍ଲା ଦନ୍ୟ, ଇନାକି ସର୍ଗ ରାଜି ଏୱାର୍‌ତାଦି ।

ପାପୁଅଲ୍‌ପନ୍‌ତି ଦାଲ୍ଲା ଦନ୍ୟ, ଇନାକି ମୁଲାପେନୁ ଏୱାରିକି ପାପୁଅଲ୍‌ନେଞ୍ଜି ।

ଦାଲ୍ଲା ଜଦି ମିଙ୍ଗେ ନା ବାଗାଟି ଅଡ୍ଡିଦାନ୍ନେରି ଅଟେ ବିହାନପୁ ହିଆନେରି, ଆଟେ କଲଟି ମିଙ୍ଗେ ବିରୁଦି ଆନ୍ ହାବେତ୍ ଡ଼ଃଆନ୍ କାତା ୱେସ୍ତାନେରି, ଏହେଙ୍ଗ୍ ଆତେସି ମିରୁ ଦନ୍ୟ । ଗାପ୍‌ଚି ରାହାଙ୍ଗ୍ ଆନ୍ ବାସାଆଦୁ, ଇନାକି ସର୍ଗତାୱା ମି ବାଗା ଏଗେଲ୍ ପୁରସ୍‌କାର ମାନ୍ନେ । ଏହେଙ୍ଗିସି ଏୱାରି ମି କାହେ ୱାଚ୍ଚି ବାବବାଦିଙ୍ଗ୍‌ନିକି ୱାଡ଼େ ବିହାନପୁ ହିଆଚ୍ଚେରି ।”

ଲୁଙ୍ଗୁର୍‌ଗାଟାରି ଦନ୍ୟ, ଇନାକି ଏୱାରି ପୁର୍ତିତି ହକତ୍‌ଗାଟାରି ଆନେରି ।

“ମିରୁ ପୁର୍ତିତି ହାରୁ ଡେହେଙ୍ଗ୍, ମତ୍ର ଏ ହାରୁତାୱା ଜଦି ହାରୁତି ନାଙ୍ଗୁ ବାସାଆଃଏ, ଇଚ୍ଚେସି ଏ ହାରୁତିଦି ଆଟେ ହାରୁ ଡେହେଙ୍ଗ୍ ନାଙ୍ଗୁ କିଅନ୍ ମୁପନ୍ ଆଃଏ । ଏଦି ଆଟେ ଇମ୍ୱିନ୍ କାମାତାୱା ଜୁଗ୍ୟ ଆଃଏ, ୱାର୍ରି କାଟ ତୁହ୍‌ପନ୍ ଆନେ, ଆଟେ ଦାଲ୍ଲା ଏଦା କାଟ୍‌କା ଡ଼ାହି ସ୍ଡିଚାନ୍ ହାନ୍ନେରି ।

ଏଦାବାଗା ସର୍ଗତି ମି ଆବା ଇନିମିଡି ହାବେତ୍ କୁଲାତାୱା ସିଦ୍ଦଗାଟାଞ୍ଜି ମିରୁ ୱାଡ଼େ ଏହେଙ୍ଗିସି ହାବେତ୍ କୁଲାତାୱା ସିଦ୍ଦ ଆଦୁ ।”

ମତ୍ର ମି ହାଁ କାତା ହାଁ ଆପାକାଦି, ଆଃଏ କାତା ଆଃଏ ଆପାକାଦି; ଇମ୍ୱାଟି ଗାପ୍‌ଚି କାତା ୱେସାନାହି ହାପ୍ପା କିତେସି ଏମ୍ବାଟି ଡ଼ଃଆନାଦି ପ୍ଲିନେ ।”

“ମିରୁ ୱେଞ୍ଜାଞ୍ଜେରି ଜେ, ଇଦା ୱେସ୍‌ପା ଆଚ୍ଚେ, କାନ୍ନୁ ବାଗାଟି କାନ୍ନୁ ଅଟେ ପାଡ୍ଡୁ ବାଗାଟି ପାଡ୍ଡୁ; ମତ୍ର ନାନୁ ମିଙ୍ଗେ ୱେସ୍‌ପିଞ୍ଜା, ଦୁସ୍ଟଗାଟାଞ୍ଜିକି ୱ୍ଡେପ୍‌ଚ୍ଚିନାଣ୍ଡାଃଟୁ, ମତ୍ର ଏମ୍ୱେନାଞ୍ଜି ମିଙ୍ଗେ ରକଟ୍ ୱାଡୁତି ପିତେଲ୍‌ତାୱା ୱେତାନେଞ୍ଜି, ଏୱାଞ୍ଜିକି ଅଟେ ରକଟ୍‌ତି ପିତେଲ୍ ୱାଡ଼େ ତସାହିଦୁ ।

ଆଟେ ମି ତିନ୍ନି କାନ୍ନୁ ଜଦି ମିଙ୍ଗେ ପାପ କାମା କିୱିକିଞ୍ଜାନେ, ଏହେଙ୍ଗ୍ ଆତେସି ଏଦା ୱେଚାନ୍ ତୁହ୍‌ଦୁ, ଇନାକି ମି ହାବେ ଗାଣ୍ଡି ନର୍କତାୱା ୱେଅନ୍ ତାୱାଟି ରଣ୍ଡି କାନ୍ନୁ ନାହେଡ୍ ଆଅନ୍ ମି ବାଗାଟି ଗାପ୍‌ଚି ନେହି ଆନେ । ଆଟେ ମି ତିନ୍ନି କାଜ୍ଜୁ ଜଦି ମିଙ୍ଗେ ପାପ କାମା କିୱିକିଞ୍ଜାନେ, ଏହେଙ୍ଗ୍ ଆତେସି ଏଦା କ୍ରାଚାନ୍ ତୁହ୍‌ଦୁ, ଇନାକି ମି ମୁକ୍କେଲ୍ ଗାଣ୍ଡି ନର୍କତାୱା ୱେଅନ୍ ତାୱାଟି ରଣ୍ଡି କାଜ୍ଜୁ ନାହେଡ୍ ଆଅନି ମି ବାଗାଟି ଗାପ୍‌ଚି ନେହି ଆନେ ।”