Populaarsed piiblisalmid ମାତିଉ 18

Jaga

ଇନାକି ଇମ୍ୱିନ୍ ଗର୍ରିତାୱା ରିଃଆର୍ କି ମୁଆରି ନା ପାରୁଟି ରପାଟ୍ଟେ ଆନେରି, ଏ ଗର୍ରିତାୱା ନାନୁ ଏୱାର୍‌ତି ମାଦ୍ଦେ ବାସାଆଃଇ ।

ଆଟେ ୱାଡ଼େ ନାନୁ ମିଙ୍ଗେ ନିଜ୍ଜାନେଃଏ ୱେସ୍‌ପିଞ୍ଜା, ଇ ପୁର୍ତିତାୱା ମି ତାୱାଟି ଇମ୍ୱିନାୱା ରିଃଆରି ଆଡ୍ଡାନ୍ ଇମ୍ୱିନ୍ କୁଲା ୱାଡ଼େ ର ଏଲୁଟି ଇନ୍ନା ୱ୍ରିହ୍‌ନେରି, ଏୱା ନା ସର୍ଗ ରାଜିତାୱା ମାନ୍ନି ନା ଆବା ଏୱାରିକି ହିନେଞ୍ଜି ।

ଏମ୍ୱାଟି ଜିସୁ ରଃଅଞ୍ଜି ଡଟି ବଦାସିକି ରେଃଏସ୍ ଆର୍‌ଚାନ୍ ଏୱାର୍ ମାଦ୍ଦେ ଡିଡ୍ଡି କିଆନ୍ ୱେସ୍ତେଞ୍ଜି, “ନାନୁ ମିଙ୍ଗେ ନିଜ୍ଜା ୱେସ୍‌ପିଞ୍ଜା, ମିରୁ ଏଲୁୱ୍ଡେପ୍‌ଚାନ୍ ଡଟି ବଦାଙ୍ଗ୍ ଲାକ୍କାଟି ଆଃଆତେସି ସର୍ଗ ରାଜିତାୱା ହଲ୍‌ବନ୍ ମୁଃଏରି ।”

ଆଟେ ୱାଡ଼େ ଏମ୍ୱେନାଞ୍ଜି ଇ ଡଟି ବଦାସ୍ ଲାକ୍କାଟି ଲୁଙ୍ଗୁର୍ ଆନେଞ୍ଜି, ଏୱାଞ୍ଜି ସର୍ଗ ରାଜିତାୱା ହାବେତାୱାଟି ଗାମିନାଞ୍ଜି ଆନେଞ୍ଜି ।

ଆଟେ ଏମ୍ୱେନାଞ୍ଜି ନା ପାରୁଟି ଇହିଙ୍ଗିସି ରଃଅଞ୍ଜି ଡଟି ବଦାସିକି ଗ୍ରହନ କିନେଞ୍ଜି, ଏୱାଞ୍ଜି ନାଙ୍ଗେ ୱାଡ଼େ ଗ୍ରହନ କିଞ୍ଜାନେଞ୍ଜି ।

ନାନୁ ମିଙ୍ଗେ ନିଜ୍ଜା ୱେସ୍‌ପିଞ୍ଜା, ମିରୁ ଇ ପୁର୍ତିତାୱା ଇନ୍ନା ହାବେ ଟୁଣ୍ଡିଦେରି, ସର୍ଗତାୱା ଏୱା ହାବେ ଟୁଣ୍ଡା ଆନୁ, ଆଟେ ଇ ପୁର୍ତିତାୱା ଇନ୍ନା ହାବେ ଗେର୍‌ଦେରି, ସର୍ଗତାୱା ଏୱା ହାବେ ଗେର୍‌ପା ଆନୁ ।

“ମିରୁ ହାବେତାତେରି ଜଦି ହଡାଙ୍ଗ୍ ଡ଼ାହି ମି ଆମ୍ୱେସାଙ୍ଗାନିକି ମାକ୍‌ସାଡ଼ି କିଃଏରି, ଏହେଙ୍ଗ୍ ଆତେସି ସର୍ଗ ରାଜିତାୱା ମାନ୍ନି ନା ଆବା ୱାଡ଼େ ମିଙ୍ଗେ ଏଚିଲାକ୍କାଟି ମାକ୍‌ସାଡ଼ି କିଆଦାଃଏଞ୍ଜି ।”

ମତ୍ର ଏମ୍ୱେନାଞ୍ଜି ନାଙ୍ଗେ ମାଞ୍ଜାଡ଼ି କିଞ୍ଜାନେଞ୍ଜି, ଇ ଡଟିଗାଟାର୍ ଟିଆଟି ରଃଅଞ୍ଜ୍‌ତି ପାପ କାମା କିୱିକିଅନ୍‌ତି କୁଲା ଆଇନ୍ନେଞ୍ଜି, ତା ବଟାତାୱା ରଣ୍ଡା ବେର୍ ଗୁରନ୍ ୱାଲ୍ଲି ଡ଼େଚ୍ଚାହିଆନ୍ ଏୱାଞ୍ଜିକି ସାମ୍‌ନ୍ଦେର୍‌ତି ଏଗେଲ୍ ଏଜୁତାୱା ମେସ୍ତେସି ତା ବାଗାଟି ନେହି ଆନେମା ।

ମିରୁ ଇନ୍ନା ଏଲୁ କିଞ୍ଜେରି ? ଜଦି ରଃଅଞ୍ଜ୍ କୁଏଞ୍ଜ୍‌ତି ସେଙ୍ଗୁଡ଼ି ମେଁଣ୍ଡାଅଡାଙ୍ଗ୍ ମାନ୍ନୁ, ଆଟେ ଏ ମେଁଣ୍ଡାଅଡାଙ୍ଗ୍‌ଟିଆଟି ରଣ୍ଡି ବଡ଼ା ଆଇନେ, ଏହେଙ୍ଗ୍ ଆତେସି ଇନ୍ନା ନାଲ୍‌କୁଡ଼ି ଅନିସ୍‌ଗଟ୍ଟା ମେଁଣ୍ଡାଅଡାଙ୍ଗ୍‌ତିଦି ହରୁତାୱା ତୁହାନ୍ ଏୱାଞ୍ଜି ଏ ବଡ଼ା ଆନ୍ନି ମେଁଣ୍ଡାଅଡାତିଦି ଦାହ୍‌ପନ୍ ହାଃଲ୍ଲେଞ୍ଜି ?