Populaarsed piiblisalmid Romapụ 5

Jaga

Kụ́ma Tamuno diepághámamam ọ wa ḅẹlẹma láa ḅara: wa pa siinyẹ bie fịnị sa Krais fịị wa pịrịm.

Mịị tọ́rụ́ dighinyẹ ma wa gbarịgbarịgha, Tamuno ori ḅẹlẹma pa wámịna kúkúbie saramam ori Tọ́ntọ́ Tẹ́mẹ́ pa, anịị wa ọ ḅara nyáná ḅo diepịrịnyẹ.

Anị ḅara ma ngéréghaa kụ́ma wa pịghị dụrụkụ tọ́rụ́siarị pịrịm, tegó wa nimim ḅẹ́ tọ́rụ́siarị mịẹm tumḅọ ngịrịma nyáná, ingịrịma mịẹm tumḅọ Tamuno ḅara pụ́nụ́ pịrịnyẹ mịẹḅara nyáná, Tamuno ḅara pụnụ pịrịnyẹ mịẹḅara tọ́rụ́ dighinyẹ akuom.

Mị́sa, minini ḅụ ḅọ́rọ́ n karakárá ibiamịẹnyẹapụ pa wa mịẹmam Tamuno bie, wa Tamuno na diin nyánam wámịna Nyánáḅọ Jizọs Krais ḅụ ḅọ́rọ́. O minini ḅụ wamịnị akuoo mịị Tamuno tọ́rụ́kụrụkụ́rụ́ ma bie suam, wa bie mị́sa duma kọarị nyẹ. Anịgosi wa bịpịkpọm wa tọ́rụ́ dighinyẹ nyánam ḅẹ́, Tamuno ma ipine ḅụ wa diekiri nyánábẹm.

Ọ́ kọ́kọ́ arịị ḅẹ́ sa ma karakárá sa, ịnyọ wámịna ḅụ ófórigha sa, Krais fịị siiamịẹnyẹapụ ma pịrịm.

Ori ọrẹ ọmbịnyẹ́ pa karakárá ibiamịẹnyẹapụ pa wa mịẹmam Tamuno fịnịngaa, mịẹ nẹ́ngị nyẹ, ọ wa duaḅọ́rọ́mabẹm Tamuno ma igani ḅụ!

Gbẹ́rẹ́ tumḅọ bịpịpúghúgháa ḅụ ḅọ́rọ́ tọgha túminị́ ma ḅo siiamịẹnyẹapụ sọm, anị gbẹ́rẹ́ ḅara ma gbẹ́rẹ́ tumḅọ bịpị púghú ḅụ ḅọ́rọ́ tọgha túminị́ ḅo karakárá ibiamịẹnyẹapụ sọ́bẹm.

Kụ́ma anịma ngéréghaa, tego wa dụrụkụ Tamuno mịẹmáa nyẹ ma pịrịm wa Nyánáḅọ Jizọs Krais ḅụ ḅọ́rọ́, Tamuno nangwọapụ pa wa mịẹmáa ḅo.