Populaarsed piiblisalmid Romapụ 11

Jaga

Tegó Ori nyẹ gonyẹ́ gonyẹ́ tẹmẹm, nyẹ gonyẹ́ gonyẹ́ pịghị ọ ḅụ ḅọ́rọ́ dumam pịghị duma ọ pịrịm. Boma fịnị Tamuno ma pịrị ákị mú ḅẹsá ḅẹsá láa! Anị ọkọ fịnị.

Gbẹ́rẹ́ḅọ so ine Tamuno ngọ dụḅa láa ḅara nimiḅobịgha, Ori opu níminyẹ na ori níminyẹ pịghị opuma dụḅam! Tụọ ine nimi bẹ Tamuno kóróma fịnị ḅara? Tụọ ine ori nyẹ́ mịẹ ḅara nimiḅọ bẹ?

Nnị gịẹ kóróma ḅara Tọ́ndiri ma bie: <<Tụọ Kị́nị́nyánáḅọ ma kúkúbie fịnịnyẹ nimi? Tụọ ine againma pa ọ pịrịbẹ?

Anị gbẹ́rẹ́ ḅara ma anịị anị fịnị ḅara mị́sa, kọọ káláapụ imi, Tamuno ori a tọ́rụ́kụrụkụ́rụ́ ḅụ ḅọ́rọ́ sẹlẹakịapụ. Tamuno túminị́ sẹlẹakiarị ori tọ́rụ́kụrụkụ́rụ́ ḅụ ḅọ́rọ́, nnị nwángị fịrị ḅụ ofori, anị ḅọ́rọ́ nna fịrị ḅụ ḅọ́rọ́, tọ́rụ́kụrụkụ́rụ́ mịnị tọ́rụ́kụrụkụ́rụ́bịgha.

Nnị dipi olivu ma ḅụ n jẹa sị ḅara anyịmasim, n warị owi olivu sị ḅara pa anị na ḅọlọ gboloma. Ọmịnị Juughaapụ ma ọmịnị owi olivu sị ḅara ma kịkam, ọ warị mị́sa saghị Juuapụ tẹ́mẹ́ju ibi fị́nyẹ ma fịarị. Anịgo nnị ányịmasi sị ḅara ma dighisima ma, ọ ḅọ́rọ́ ọkọ mịẹmịẹ mịma pa biekóróma, ọmịnị kune ma ọlọsẹmagha kụ́ma kune ma anịị ọmịnị ọlọsẹma nyẹ.