1
Matta 7:7
Dadiya NT
DBD
“Ya jǝ́ kela lɛ, jǝ nǝ jen nǝ. Ya jǝ́ saa lɛ, jǝ́ nya nya. Ya jǝ́ ga nyanga kanɔ lɛ, jǝ wum jem wum.
2
Matta 7:8
Na nʊ nɨ a kelaɨ, jǝ nǝ gǝn nǝ. Nʊ nɨ a saaɨ, nya nya. Nʊ nɨ a yal jǝlɨ, jǝ wum gǝm wum nyanga kanɔ.
3
Matta 7:24
“Nʊ nɨ a nyʊwa kɛl mǝndɨ a bwangtǝnɨ, gǝ na na nǝ yʊlan nɨ a mɔ lɔ gǝnɔ a dʌbʌl gamɨ.
4
Matta 7:12
Kwangkwang jǝ́ maa nǝbɔ gǝm kanga jǝ́ swɨ lɛ ja maa jemi. Wʊnɨ nǝn gɔ mɛlalɨ diil Musaɨ jǝbɔ a nǝbkuwotǝmkǝgagɨɨ.
5
Matta 7:14
Nyanga kanɔ yɔ lɛ nǝn jen a kʊlɨɨ, a gwag gwagɨ, gola gǝnɔ a bwa dɔtǝm, nǝbɔ yɔ lɛ woi a lada bɔ.
6
Matta 7:13
“Jǝ́ dɔ a nyanga lɔng nɨ a gwag gwagɨ. Nyanga lɔng nɨ yɔ lɛ nǝn nǝl a daa bwaaɨ a tɛɛna nyɔ, gola gɔ a bwa bɔ, nǝbɔ dɔ lɛɨ, a lada.
7
Matta 7:11
Na jen jǝ́ nǝb bwɨlangkɛlɔ, jǝ́ nyǝm kanga jǝ́ nǝ bɛtɔ lɔ jeni kanjǝl nyan nɛɨ, Tɨya jen nɨ a kwamaɨ a nyǝm a laa jen, kanga nǝ kanjǝl nyan nɛ, a nǝb nɨ a kela gǝnɨ!
8
Matta 7:1-2
“Bɛ ka jǝ́ mwatɨ lɛ borang, jen tʌjen mɨsɔ jǝ mwatɨ jem borang lɛ. Kanga jǝ́ mwatɨm kaamɨ gǝm borangɨɨ, jen tʌjen jǝ mwatɨ jem nyɔ. Kʌshi nɨ jǝ́ sʊwam kaamɨ gǝm nǝnɨ, jen tʌjen jǝ sʊwa jem nǝn.
9
Matta 7:26
Nʊ nɨ a nyʊwa kɛl mǝndɨ a bwangtǝn bɨɨ, gǝ na na nʊ nɨ a fʌm fʌmi, a mɔ lɔ gǝnɔ a dʌbʌl swiyotii.
10
Matta 7:3-4
“N wɛ a bwɨ mʊ dʌng bɛ yǝlagɔ lɛ a nu kɨla mʊɨ, mʊ kuwo bɔ nyiyotɨyagɔ a nu mʊnɨ? N wɛ a bwɨ mʊ sʊwa kɨla mɔ, mɔʊ, ‘Yǝla, n dem mʊn kǝlɨ bɛ yǝlagɔ a mʊgɔ nu mʊnɨ,’ mʊ kuwo bɔ gʌleng nyiyotɨya nɨ a nu mʊnɨ?
11
Matta 7:15-16
“Bɛ jǝ́ nyǝm nǝbkuwotǝmkǝga gabakɛlɔ. Wʊnɨ jǝ bɛ jem lɛ nǝn jelkalǝng kwamɨɨ, mʊgɔ nǝl jinɔ n bangashɨtɨn, wʊnɨ nyʊwa jʊwan bwɨla lɛɨ. Bǝ nyǝm nǝb nɨ nǝn maajɨ jin. Jǝ jǝg jǝg tʊʊl fogfogi a mʊgɔ nabǝrnabǝrɨ ka? Jǝ jǝg jǝg tʊʊl dʌfeng a mʊgɔ sholatɨn ka?
12
Matta 7:17
Tɨya nyan gǝ tʊʊ tʊʊl nya. Tɨya bwɨla gǝ tʊʊ tʊʊl bwɨla.
13
Matta 7:18
Tɨya nyan mɨsɔ dwal lɛ a tʊʊ tʊʊl bwɨla. Tɨya bwɨla mɨsɔ dwal lɛ a tʊʊ tʊʊl nyan.
14
Matta 7:19
Tɨya nɨ a tʊʊ bɔ tʊʊl nyanɨ, jǝ mwatɨ gǝn jǝ mal a mʊgɔ kǝla.