Populaarsed piiblisalmid Rooma 16

Jaga

Maaxiyot Yalli, Sheethan sin ibahi geridde hayeyaako dafaco kinni. Ni Maddara kin Yeesus Masiix nicma sinlih takkoo.

Yi saculo, atin tudrusin darsehi diddeh babbarhishnan kee andafof aba maraako mirix akko tarhxoona sinalle amaanatishak aniyo. Akko zeelita!

Amayim lel ta gina-le mari, sinni farhi kibah ni Maddara kin Yeesus miyakhdumiinih kinni. Usun mece anrab kee zirabti faylah gar-hite marahi afcaadod doolaban.

Tamaa dherh mudda sucuteh suge, kado lel yumbulluwe mashthir balih, tamaa anu warroyshe mece ware kee Yeesus Masiix warroysham balih abeh sin yaysaraw dhiica Yallah nabne takkoo. Kado laakin caddoweh yane. Amaa nobowat kutuubhi araxah, umman geedit Yallahi amre balih, yeemeniinih yathaacoona, umbuka diikalle yimidhdhigeh yane. Ulah xikma-le Yallah, Yeesus Masiix araxah, umman gedda nabne takkoo! Amin.