Populaarsed piiblisalmid Rooma 1

Jaga

Aamininnanti inkoh, erherhih Yahuud, sarrah lel Giriik xiyaw gargeera Yallih xayla kinamhi sabbatah, yotta mece wari yi mixoolaysha.

Tamaa: “Xaqqi-wanna imaanah maro kinni” yarhxiinim tunkuttubeh akah taneekah, Yallih xaqqi erherhaako abayshima fanah imaanah caddoweh yane.

Amaa caalam tunkhulluqhemko taahe ambulluwinnixe Yallih thabiica; amayim lel umman geedit kaa xayla kee Yalli aymotta kinam, amaa usuk abemhi araxah meceetih caddoyteh tane. Amaymih takale adda hayaanam malooni.

Yalla yeerhegin hanuk, Yalla balih kaa miyaynabiini, hido kaa micawataana. Laakin, ten xisaab foyya yekkeyaako duudit kin ten afcaado dattoyte.

Amaa Yallih rumma ziraballe yiybiddiliinih, Yukhluqhe tiyahi idhdhadde lel yunkhulluqhe tiyah yucbudiinih yukhdumin. Usuk umman gedda barakä-le! Amin.

Umbuka Yallih mashshih wayto kee xiyaw xaqqi-waytolle; amaye balih, sinni xaqqi-waytoh rumma dhuuna mara, Yalli ishi kura carsheeko ten yuybulluweh yane.

Tayimhi sabbatah, Yalli akko yicdireyaako caybe kin farhi abitoona ten xabe. Ten saymari araxah labhaalih dhiinaanamhi idhdhah, sittiyaalih dhiinaanam labcaaden. Amayim balih labha lel, araxah sayyoolih dhiinaanam xabeenih sinne-sinneh sittiyahi farhih xararen. Labha aki labhalaalih xoola kinam abeenih, amaa aben qalathah lel farhshishsha qitscat sinni bukalle oobishen. Tamaa usun Yalla yaarhigiinim mifarhshishsham balih akah yubliiniikah, Yalli lel akko yicdireyaako caybe kinam aboona duhinnixe xangallih ten xabe.

Usun kas loonim sinne yakkalin, laakin duudit yekkin. Rabinnixe Yallih nabne, raba xiyawto, kimbir, bahaayim kee mexeltamhi xibar-le mislelle yiybiddilin.