Populaarsed piiblisalmid Ehokora 13

Jaga

Eyi yaa roera ci munu ekare nonyanyami. Oyu di no mathsaano a tongonone eyi thzi nemanena ethzo nomboro thzo thsikondwama, inene thza emanena nomboro thzo munu. Nomboro thzathso po 666.

Anu wahe o kaye kenge a ku rombera ethso thsikondwama, awa kana ku ñoriwa mathzina o mu vuka thzo mwoyo thza Dinguana oyu wa paiwire ku tunda ku matatekero o kaye.

Ethso thsikondwama karo thsaa ooterire anu wahe, owaonye nowa owakuru, afumanyi nahepwe, akwakurukuruka napika, ci a tambure thsitamba pa dyoko dyo rudyo nji pa rupara. Kwithsa oyu wa tawethziwire ku ura nji ku urithsa ngara thsinu ko kupira ethso thsitamba thsethso thsikondwama, adyo dithzina dyathso nji nomboro thzo dithzina dyathso.

Yomuhe oyu na roera ku kupariwa kenge a ku kupariwa, yomuhe oyu na roera ku paiwa ko mwere kenge a ku paiwa ko mwere. Eyi yaa monithsa ci anua Nyambi aa roera ku citanarithsa no ku rurama.

Ngou na monine thsikondwama o ku thsiomboka mu diwate. Thsekarire no manyia o dikumi no mitwi thzo mutanu na thzidi, no mishukwe thzo dikumi ku manyia athso. Pa mutwi no mutwi wathso pa ñoriwire mathzina o ku yengwera Nyambi.

Ethso thsikondwama thsa tawethziwire ku rwithsa akwakutawa no ku wa othza. Karo thsa piwire okoro o ku tumina mishovo, mambunga, manjimi no matunga yoihe.

Mukaci keyo emonithso, thsa tawethziwire ku kwama mu dithzina dyo thsikondwama thso kutanga, thsangerire anu o kaye. Thsa wa tuminine kumba thsikupuro ku remeka thsiya thsikondwama thsa kururiwire ku mwere, unone thsaa yoya. Thsiya thsikondwama thso muthsidi ngou thsa tawethziwire ku puyera mwoyo mu thsikupuro thso thsikondwama thso kutanga ci thsi twethse ku amba no kwipaa wahe awa a kanine ku thsi rombera.

Ethso thsikondwama na monine thsa cipiturire no nthzoo, edyato yathso ya piturire yo bere, kanwa kathso eci ko nyime. Oya mbarange wa pire ethso thsikondwama okoro wenthzi no ngunja thzenthzi nofumu wenthzi oshokuru.

Ethso thsikondwama thsa tawethziwire ku amba maywi o ku cishangara no ku yengwera Nyambi. Thsa piwire okoro o ku kwama mu maonda o makumi ane na edi.

Umweya ku mitwi thzathso wa monaharire eci shime waa kuruka nene shime ku fota ku fa, unone ethso thsitwa thsothsikuru nene thsa porire. Kaye kokahe ka komokire no ku shupwera ethso thsikondwama.

Ngou na monine thsikondwama thsimweya o ku thsi vumbuka mu muve. Thsekarire no manyia edi eci dinguana, unone thsa ambire eci mbarange. Thsa kwamithsire okoro ouhe o thsiya thsikondwama thso kutanga. Thsa ooterire kaye kokahe nowa ekaramo ku rombera thsiya thsikondwama thso kutanga, thsiya thsekarire no thsitwa ethsi thsa porire.