Populaarsed piiblisalmid 2 AkwaKorinte 4

Jaga

Mweyo, ka tu kengererire enu yo ku moniwa, uno honi twaa kengerera enu i shimoniwa, inene enu yo ku moniwa ya kwikara thsikati thsothsipu, unone enu i shimoniwa ya kwikara diyere.

Mweyo, kadi twakwa ku huka munyima, shaanga ci erama yetu yaa thza o pwa, myoyo thzetu thzaa hemuniwa diyuwa no diyuwa. Inene makando etu po a rethzu karo a mu thsikati thsothsipu. Kenge a ku tu retera kutethzima koshokuru ko diyere ko kupita ao makando oahe.

Twaa thsinenekiwa kokuhe, unone ka tu topwerire. Tu na karupera nene, uno honi ka tu pwererire okurupero. Twaa nyandithsiwa, unone Nyambi ka a tu thsiererire. Twaa huweriwa pashi, unone kwithsa kunongithsiwa.

Unone atwe po tu di noru rufumo mu tufuma toma, ku monithsa ci okoro o ku piterera po wa Nyambi kadi wetu.

Aa kana ku tawa, inene Satana, aye nyambi o kano kaye o neraurithsa maano o ci a mona mwethzi o Muthzimbu Ouwa ou u monithsa kutethzima kwa Krisitu, aye thsikupuro thsa Nyambi.

Inene Nyambi oyu wa ambire ci: “Mwethzi u muneke mu mirema”, yo wa munekire mu micima thzetu ku tu pa mwethzi odimukero o kutethzima kwa Nyambi oku ku monahara mu rupara rwa Yesu Krisitu.