Populaarsed piiblisalmid 1 Johani 3

Jaga

Anange, twa cishima pohuma ko maywi, unone ketenda noshemwa.

Kenge dyo tu na dimukanga thsishimo thso shemwa: Yesu Krisitu wa pire mwoyo wenthzi mukaci ketu. Mweyo, natwe twaa roera ku pa myoyo thzetu mukaci kaenthzetu anu.

Mu mone okuru o thsishimo ethsi na a tu shimi Tata, mane twa ethsiwa ci twana Nyambi, karo yoshemwa twanenthzi. Kaye ka ka tu dimuka, inene ka na ka mu dimuka.

Unone yomuhe o ku kwaterera ku tenda thsivi po wa shamaonga, inene shamaonga na a tende thsivi ku tunda ku matatekero. Eyi a keyerire Mwana Nyambi po ku na umburura ekwama ya shamaonga.

Mwana Nyambi yomuhe tumba a kwaterera ku tenda thsivi, inene mbuto thza Nyambi mu mwenthzi thzi di. Mweyo, tumba a kwaterera ku tenda thsivi, inene na erekiwa ope.

Ngeci munu o di no rufumo ro kaye no ku mona muenthzenthzi oyu na piri, unone kadi wa ku mu twara mucima, ngepi nga thsikara thsishimo thsa Nyambi moya munu?

Yomuhe o ku hengeka eraerera ya Nyambi aa twarerera kwikara mwa Nyambi, naye Nyambi mu mwenthzi. Kenge dyo tu na dimukanga ci mu mwetu a di, ko Mupepo oyu na a tu pa.

Kenge dyo tu na dimukanga ana Nyambi nana shamaonga. Yomuhe o kukana ku tenda owawa kadi mwana Nyambi, mofoci kengeyo noyu o kukana ku shima muenthzenthzi.

Inene ou po o muthzimbu ou na mu yuvu ku tunda ku matatekero, o kuninga ci twaa roera ku cishima oandu.

Mweyo, aenthzange mwa i komoka ngeci kaye kaa mi thzimba.