Populaarsed piiblisalmid रोमि 16

हाङ् सान्‍टि पिक्‍खुबा निवाँहाङ्ऎ सॆॽलन आन्‍ना साइटान हेचाइमिकानि। कानिम पारभु येसुमि नाम्‍नावाँ आन्‍नाबि लिर।

बुबुनानुसाचि, काङॆ हस एक्‍क खानावाँ आन्‍ना लोकानि, आन्‍नॆ चिन्‍मिम्‍पा चाइबानऎ खानावाँबाङ् होइक खालॆ खानावाँ चिन्‍खुबा याॽमिचिबाङ् नुःर पेनानॆ। गसॆ आन्‍नामि लुम्‍पि निवाँ ऎटङ्‌खुबा मुकानि हाङ् याॽमिचि उम्‍चि निवाँयुङ्‌बाङ् मॆॽयङ् मुकुचि। गरहा याॽमिचिबाङ् मिउन पेनानॆ।

मान्‍ठाभनॆ आक्‍रहा याॽमिचिऎ कानिमि पारभु खिरिस्‍टमि योम्‍पक् मुमिनि, टर खोचिऎ टाङ्‌पामि नुऎमि लागि टेः योम्‍पक् मुकुचि। उम्‍चि लिम्‍पा हाङ् खेम्‍मार नुऎ खाङ्‌मुहा खानावाँऎ नुहा याॽमिचि फोःप्‍सिॽमॆ पाइकुचि।

ह कानि चोब्‍पासॆ निवाँहाङ्‌मि निङ् ठेरुम्‍ये। निवाँहाङ्ऎ आन्‍नामि निवाँ चॆकुवॆ मुहिकु। काङॆ येसु खिरिस्‍टमि बारेबि खेम्‍मिकुङॆ नुऎ खानावाँऎ आक्‍र लोकु। ग नुऎ खानावाँ निवाँहाङ्ऎ याॽलऎ बाङ्‌न चुम्‍मिम्‍पा येसु खिरिस्‍टबाङ् आन्‍ना निवाँहाङ्ऎ आम्‍नि निवाँयुङ्‌पि चॆकुवॆ मुहिकानि। टर निवाँहाङ्‌मि खानावाँ लोखुबाचिऎ याॽलिन लोमिम्‍पा रक्‍न हाङ् हानाम्‍स लिढ्‌याङ्‌ऎ निवाँहाङ्ऎ लोमिम्‍पा रक्‍न चोब्‍न हॆॽनिबारेक्‍चिऎ निवाँहाङ् निवाँयुङ् लॆटुचिर हाङ् खोसॆ लोमिम्‍पा खेमुचिर कामानुङ् ग नुऎ खानावाँ खोचि चोब्‍नमि लागि चोब्‍न ठालबि ह खाङ्‌मुडा। हाङ् येसु खिरिस्‍टबाङ् कानिऎ चोब्‍न खानावाँ लेक्‍खुबा एक्‍क टे निवाँहाङ् हानाम्‍स निङ्‌लावा लॆटुम्‍यॆ। आमेन।