खोचिऎ आक्र लॆःॽमिम्पासॆ निवाँहाङ्ऎ खोचि उम्चि सालुङ्ऎ माङ्माङ् ङागुकुर आक्खान चिक्सिॽमा लुहा योक्पक् यिक्माम् लागि याइटुचि। हाङ् उम्चि मेॽनुङ्माचि सङ्क वाठाङ्पा नुङ् हॆॽनॆ टर मेॽनुङ्माचिनुङ्न इम्चाबक्कामि। हाङ् वाठाङ्पाचि सङ्क आक्रक्न लॆटामि। खोचि मेॽनुङ्माचि नुङ् हॆॽनॆ, टर वाठाङ्पा वाठाङ्पामि लुम्पि एट्टान इम्चामा मिनामि। हाङ् उम्चि लुम्पि ङेसिमा लुहा योम्पक् यिगामि। हाङ् खोचिऎ हिङ्वा योम्पक् यिक्मिम्पासॆ, निवाँहाङ्ऎ खोचि गरहा ङेसिमा लुहा योम्पक् यिक्मिम्पासॆ डान्डा पिॽमॆपाइकुचि।
आक्खा याॽमिचिऎ निवाँहाङ् ङेःप्मा मामिन्मिम्पासॆ, खोसॆ आक्खा याॽमिचि यिक्मा फॆन्निऎ योम्पक् यिक्मिर कामानुङ् उम्चि काइसॆ निवाँबि याइडुचिमि।