Popular Bible Verses from MATEU 7

Share

Etenu, mba kumanwaha; fupenu, mba kumunuwana; ngongwelenu, mba kumanwazulwila.

Mumu mweswe meta, matambula; ni yoze mafupa, mawana; ni yoze mangongwela, kumamwazulwila.

Kashika mweswawo mevwa wano maliji jami, nyi maalinga, kumamupwisa ngwe mukwa kukanyama yoze watungile zuwo lienyi ha liwe

Yuma yeswe kashika nunazange atu akanulinge, chizechene lingenu kuli ayo: mumu chino ye shimbi ni ye yiyulo ya aprofeta.

Alioze chikolo chize chatwala ku mwono, chikehe, ni ye jila yikehe, ni waze akuyiwana akehe.

Njilenu ku chikolo chikehe: mumu chikolo chize chatwala ku kwonwona, chinene, ni ye jila kuyatoha, ni waze akunjilamo anji.

Kachi yenu, nuli api, nunanyingika kuhana yawana yipema kuli ana jenu, Shinaho chikolo Tatenu yoze uli mu malilu mahana yuma yipema kuli waze mamwita, nyi?

Kanda nupatwila akwenu, mba kechi kanupatwila. Mumu upatwilo uze munupatula nawo akwenu, kumanupatwila: ni cheseko chize munweseka nacho, kumanwesekela.

Mweswe mevwa wano maliji jami, keshi kwalinga, kumamupwisa ngwe chihepuke, yoze watungile zuwo lienyi ha masekeseke

Alioze kuchi te unatale ku koma kaze kali mu liso lia mukwenu, alioze kushi kumona mukambo uze uli mu liso lie? Hanji ngwe kuchi muwamba kuli mukwenu ngwe, Ngutayize, nguchize koma mu liso lie; kumanyi, mukambo uli mu liso lia yena mwene?

Alioze keyelenu aprofeta a kwonga, waze akwiza kuli yenu ni mazalo ja mapanga, alioze muchima kanapu tungunga a kunuwumbula. Ku mihuko yo kumunukaanyingika. Atu mahela uva ku mingonga, nyi? Hanji makuyu ku mikalale, nyi?

Chizechene mitondo yeswe yipema kuyakwima mihuko yipema, alioze mutondo wamokomoko kuwakwima mihuko yipi.

Mutondo upema kuushi kuhasa kwima mihuko yipi, chipwe mutondo wamokomoko kuushi kuhasa kwima mihuko yipema.

Mitondo yize yeswe kuyishi kwima mihuko yipema mayipakula, mayimbila mu kahia.