Populaarsed piiblisalmid Marcos 4

Jaga

Are uri i Jesús xwalijik, xub'ij che i tew: —¡Matjuk'uk' chik! Xaq xub'ij che i ya: —¡Chamayij elik chikaj! —Xcha. Are uri i tew juntir xuxlanik xaq i ya xsilab' ti chik. Te'uri i Jesús xub'ij chke utijoxelab': —¿B'uchak chi lik kixij iwib'? ¿Xatab'a k'amaja o ukub'ib'al ik'ux? Keje ile xub'ij i Jesús chke utijoxelab'.

Xwiri ike lik je oknaq il rumal kixib'rikil, are uri xkitz'onoj chkiwach: —¿B'i taq chi winaqil ire le chi lik kkojon i tew che xaq keje i ya? Xecha chkiwach.

Xwiri i Jesús kwar pan jub'i' chutun i barco, uya'om ujolom puwi jun pacha ch'eket. Are uri xkik'astaj xaq xkib'ij che: —¡Tijonel! ¿B'uchak chi lik nti kach'ob' che chi yoj ktijin qamuqtajik pa ya? —Xecha.

Xaq xub'ij chke: Chikojo retalil wach i kita. Man ru' i pajb'al chi kixpajan wi yix, xaq ru' i pajb'al le kixupaj wi chik yix i Dios. Xwiri k'a kuya ne chik mas uwi chiwe.

I Jesús xub'ij chik jun tijojb'al tzij chke i winaq: I ajawinik re i Dios keje pacha jun ajtikanel chi kutik ija pulew. Ire tupu kwarik xaq we k'aslik, tupu cha'ab' xaq we pa'ij xwiri i ija le chi xutiko kpo' loq xaq kk'iyik tupu ajtikanel le reta'am taj wach taq k'iyik ku'an i tikon le.

Pachin o kixikin, chkita ub'e uri wach xinb'ij; xcha.