Populaarsed piiblisalmid Mateo 3

Jaga

Chik'utu iwib' ru' wach taq i ki'ano, we lik ijalwachim chik inojb'al chwach i Dios.

xaq xtataj jun ch'awb'al chikaj chi xub'ij: Iri lik are i Wak'al chi k'ax kinna'o; chi lik inch'ikom rij xaq kul ink'ux che.

I Jesús, are ya xqajsax ya puwi, xel pa ya, are uri, lik juntir xjaqtaj i kaj, x-iltaj i Lo'laj Utewal i Dios chi xqaj li suk'ulik puwi Jesús, pacha jun palomax

Yin, qatzij, kinqajsaj ya piwi yix, k'utb'al re we ijalwachim chik i nojb'al chwach i Dios. Xwiri, i Jun chi kk'un chwijil yin kuqajsaj ni Lo'laj Utewal i Dios piwi ru' i a'. Ire lik nim ni u'ij chinwach yin; kmajaw ti chwe we kin-an mokom che wib' chrij, mitene kwok'aj uxajab' che, man lik nim u'ij.

I tojpen ya kpe piwi, ikaj yij chik, k'atzb'al re i ra'. Konojel i che' chi kuya ti utz laj uwach, kk'atzix na; te'uri kporox pa a'.

I ma Wan le are i jun chi ax ub'im wi i Dios chi kk'unik. I b'iwnaq kan ile are i profeta mam Isaías. Ire utz'ib'am kanoq: Ktataj uch'awb'al jun ksik'in pa tz'inilik jyub' chaqij; chi kub'ij na: ¡Ya kpe i Ajwal! Chiyijb'a ub'e. Chib'ut'u ni'pa taq i jul, xaq chisuk'b'a ni'pa i tanalaq pub'e i Ajwal. Keje ile tz'ib'tal kanoq.