Populaarsed piiblisalmid Mateo 21

Jaga

Yix, wach i kitz'onoj che i Dios, we lik o ukub'ib'al ik'ux, kya' ni uri chiwe —xub'ij i Jesús chke.

I Jesús xub'ij chke: —Qatzij i kinb'ij chiwe, we lik o ukub'ib'al ik'ux, xaq we k-on ti keb' ik'ux xaq yix kixtiki chu'anik pacha i xin-an yin che i che' le. Xaq xwi ta la ile, xaq kixtiki che, we kib'ij che i jyub'i, “chat-el chi, jak'aqa awib' pa mar”; kib'ij che, ile lik k-antaj na.

I winaq chi je nab'e chwach, xaq i je teren loq, konojel xe'ok chi sik': —¡Nim u'ij Ire chi umuq uxikin i qajawinel mam David! ¡Dios chuya ni utz puwi i juni chi utaqom na loq! ¡Lik choksax ni u'ij i Dios! Keje ile xesik'in chub'ixkil.

Xub'ij chke: —I Dios, chupam uwuj, ub'im kan i tziji: “I wachoch, lik jun ja re kitz'onb'al i winaq chwe”, xwiri yix i'anom kijul ili'omab' che —xub'ij i Jesús chke.

Chab'ij iri chke i aj tinimit Sion: “I wajawinel yix ya kk'un iwu'. Ire u'anom ti nim che rib', xa kul chrij jun b'uru kk'unik; kk'unik kul chrij jun ral b'uru, rak'al jun ati axna aj-eqan”. Keje ile utz'ib'am kan i profeta.

Te'uri i Jesús xaq xub'ij chke: —¿Xatab'a iwilom taj wach tz'ib'tal kan chupam uwuj i Dios? Keje iri kub'ij: I ab'aj chi xkaj ti xkikoj i je aj-anol ja, are i ab'aj le chi xe'eloq lik nim ni uchak che i kub'ib'al ja. Are i xe'eloq le are i Ajwal Dios x-anawik, rumali lik kojkikotik.

Rumali, kinb'ij chiwe chi Dios kresaj ni uchak pi'ab' yix xaq kuya ni pki'ab' jub'an chik ajchakib' je utz, chi kkiya ni i molonik che i Dios pacha kmajawik.