Populaarsed piiblisalmid Mateo 19

Jaga

I Jesús xeutaqej i xub'ij chke: —I winaq ketiki ti chu'anik ile; xwiri i Dios ronojel is ktiki che —xcha.

Rumali ke'eloq ne te keb' chik, ike xa je jun xe'eloq. Rumali i winaq, nti pki'ab' kkiyoj ile chi uyijb'am i Dios, xa jun u'anom chke. Keje ile xub'ij i Jesús.

Ire xula' uwach chke: —¿Xatab'a iweta'am taj wach i tz'ib'tal kan chupam uwuj i Dios? Kub'ij chi i Dios chuxeb'al ij saq, are xeu'an i winaq, “xu'an jun achi xaq jun ixoq”. Xaq xub'ij i Dios: “Rumal uri chi jun achi o uchak kel ku' uqajaw uchuch man kkuk'aj kib' ru' i rixoqil. I je keb' le ke'eloq xa je jun chi winaq”.

I Jesús, are xrilo, xub'ij chke: —Chiya chke i ak'alab' kek'un wu'; mi'atij, man ni'pa i je pacha ak'alab' pkik'ux o ke che U'atb'al tzij i Dios aj Chikaj —xub'ij chke utijoxelab'.

Xwiri, ni'pa i je nab'e wo'or, je k'i na kekanaj kan pa k'isb'al re; xaq je k'i chi je o kan pa k'isb'al re wo'or, are ike kenab'ej na —xub'ij i Jesús chke.

Konojel ni'pa i ko'tam kan ub'itaq ke wumal Yin, nim ni kkich'ak puwi ile. We o jun ukanam kan rachoch, o we ratz ucha', o we ranab', o we uchuch uqajaw, o we ukanam kan rixoqil, o we rak'al, o we rulew xa wumal Yin, nim i kuch'ak na. Kya' ni uri jo'winaq (100) che puwi ni'pa ile chi xa jun o te'eq ru', xaq kya' jun uk'aslemal chi nti uk'isik.

I Jesús xub'ij che: —We kawaj chi lik nti chik rajwaxik chawe chwach i Dios, jat, chak'ayij ni'pa o awu', xaq chajacha chke i nib'a'ib'. Kariq uri ab'eyomal chikaj. Te'uri chatpetoq xaq chatterej chwij —xub'ij i Jesús che.

I Jesús xub'ij che: —¿B'uchak kab'ij “utz” chwe Yin? Nti jun utz, xwi i Dios —xub'ij che—. Xwiri we kawaj katok che i saqil k'aslemal, cha'ana pacha kub'ij utzij upixab' i Dios —xub'ij che.

Kinkamulij chik ub'ixkil chiwe: K'ax rokik jun b'eyom pa ajawinik re i Dios; k'ax ni ile chwach rik'awik jun kamey che i tel re jun akuxa —xub'ij chke.

Kinb'ij iri chiwe: We o jun kujach b'i i rixoqil, xwiri we i rixoqil nti umak u'anom ru' jun chik achi, i rachijil te'eq o umak uri chwach i Dios man kumin rib' ru' jun chik ixoq chi k'ulinaq ti ru'.

Are uri i Jesús xub'ij chke i utijoxelab': —Qatzij i kinb'ij chiwe: I b'eyomab', k'ax kokik Pu'atb'al tzij i Dios aj Chikaj.