Populaarsed piiblisalmid Mateo 15

Jaga

Xwiri, wach i kel puchi', puk'ux uri petnaq wi. Are ile k-anaw chke i winaq chi ne te ch'am. Man pkik'ux i winaq kpe wi ronojel i utz taj. Are rumal uri o i kamsanik, xaq o i je k'ulanik kkimin kib' ru' jun chik; xaq o i winaq chi ne te k'ulanik kki'an i urayijb'al kich'akul; xaq i je ili'omab', xaq ajt'oronelab', xaq keje i je ajnuk'ul tzij chrij i Dios.

Are ti wach kok puchi' k-anaw che chi ch'am taj, xa are i tzij chi kel li puchi'; are k-anaw uri che chi ch'am taj —xcha i Jesús chke.

“I winaqi lik kkikoj in-ij ru' kichi', xwiri i kik'ux lik naj o wi chwe. I ukojik in-ij kki'ano, lik nti kuchakuj, man i k'utunik kki'ano, xa kitaqanik i winaq. Keje ile ub'im i Dios”. Xub'ij i Jesús chke.

Are uri i Jesús xub'ij che: —Ixoq, ¡Lik nim ukub'ib'al ak'ux! Ch-antaj na pacha i kawaj. Are xub'ij i Jesús ile, juntir xutzir i ralit i ixoq.

Xwiri i ixoq xtejeb' pan ru' xaq xxuki chwach xaq xub'ij —Nim laj winaq, ¡Chinato! —Xcha. I Jesús xula' uwach che: —Utz taj kmaji ni kiwa i ak'alab' we xa kya' chke i tz'i —xub'ij. —Qatzij ile, Nim laj winaq —xub'ij i ixoq—, xwiri, xaq i tz'i kkimol ni uk'aj i wa chi ktzaq chuxe' i mexa re i kajaw —xub'ij.