Populaarsed piiblisalmid Mateo 13

Jaga

Xwiri, ija chi xetzaq pa utz laj ulew, ile keje pacha i winaq chi kkita i utz laj tzij, xaq kkita ub'e. Ike lik kewachinik; jun ija kuya jo'winaq (100) uwach; i jun chik kuya oxwinaq (60) uwach; xaq i jun chik ija kuya lajuj juwinaq (30) uwach.” Keje ile xub'ij i Jesús chke.

Xaq ija chi xtzaq pa k'ix, ile keje pacha i winaq chi kkita i utz laj tzij, xwiri, xa kek'achir rumal i kik'aslemal waral chwach i jyub' ta'aj, xaq i kirayijb'al lik xa are kkich'ob' ub'itaq ke; ile xa kuchup i utz laj tzij pkik'ux. Rumali kewachin taj.

Ni'pa i winaq chi kkita i tzij re ajawinik re i Dios, we kkita ti ub'e, ke'eloq pacha xu'an ija chi xtzaq pa b'e. Keje i winaq ile, man kk'un itzel i kresaj i utz laj tzij chi o pkik'ux.

Xaq i ija chi xtzaq pa taq ab'aj, ile keje pacha i winaq chi kkita i utz laj tzij, xaq kekikotik xkikojo. Xwiri, je pacha jun tikon chi naj taj enaq wi i ra'; kenajtin taj. Are kpe i k'ax pkiwi rumal i utz laj tzij chi kikojom, xaq kpe i kiyo'yaxik kumal i winaq, xa ksach ukub'ib'al kik'ux rumali kko'taj kan utz laj tzij.

U'atb'al tzij i Dios aj Chikaj keje pacha uk'iyal pwaq muqtal pulew che jun k'ijib'al. Kk'un jun achi i kuriqo. Xwiri kresaj ta loq, xa kumuq chik kan uwi, xaq lik kkikotik k-ek; is keuk'ayij na ni'pa i o ru'. Te'uri kpetik i kulo' i ulew man o b'eyomal chupam. Keje u'atb'al tzij i Dios ile.

Xaq o ni ija xetzaq pa utz laj ulew; lik k'i ni uwach xuya'o. O ni raqan xuya jo'winaq (100) uwach, o i xuya oxwinaq (60); xaq o i xuya lajuj juwinaq (30) uwach —xcha.

“Utz chiya che kk'iy na, junam ru' i trigo. Are kqaj uch'upik uwach i trigo, are uri, keintaq b'i i ajmolonel chrelsaxik i utz ti laj es. Te'uri ike kki'an yotaj che, man kporox na. We xutzin ile, te'uri kqamol i trigo xaq kqaya puk'olb'al.” Xcha i rajaw.