Populaarsed piiblisalmid Japarea̧ 25

Jaga

Ado Pjeto judi japamitë cjiadiärëremȩde Jerucharȩräpȩ ju̧ri̧. Tjamo̧ri̧ dabadëde, jabo 8 do nö̧ta cjiadiäa̧ jirode. Jabo dabadë, 10 dopamȩ. Jabo pio jiro do üdë chjätä ëte, go̧dürëremȩde ado chjereno̧ baäpea̧ oa Checharearäpȩ. Ado judio tjamo̧ yo̧ji̧ri̧ pio ji̧ri̧ nö̧ta tai̧mȩrȩ baärëremȩde. Ado ja̧dëa ji̧ Pjeto judi pio ju̧ri̧pȩ go̧düdärä ëte dopea̧rä, ütarë bape chjaopea̧ oa chamȩrȩ yo̧ chjadürëremȩdejȩrȩ jibëa̧ guadia ji̧ri̧ Pablo pio ju̧i̧ eba jana̧tä. Ado pio ju̧i̧ ëba jana̧rä, ado Jerucharȩ pio judiri jana̧reji̧ri̧ judio pio judiro̧ pio ju̧i̧ daea̧rä, cjäri̧ madiro̧jo̧ȩ, chjaodëri̧ tjoro tänȩa̧diro̧jo̧ȩ. Ado taruparëreji̧ri̧dirȩ pio ju̧i̧iäpȩmo̧ aechide yo̧pea̧ ji̧. —Jabo cjäri̧ marenȩ, ma̧i̧ da chjai̧dë oa japamȩrenȩ —yo̧ji̧ri̧rȩ aechide yo̧ chjaoa̧diro̧jo̧ȩ. Jabo tjamo̧i̧ cjiari̧ jo̧rȩta tänȩrea̧ yürüdëa̧diro̧jo̧ȩ ütë ju̧i̧iäpȩmo̧.

Ja̧dëa ji̧ pio jȩa chjiari ni̧bärëremȩdejȩrȩ Pablo judi. Ja̧di ta̧rëri̧ yo̧mȩrȩ dëbë yo̧a̧dejȩrȩ jënȩro̧ aechide yo̧a̧ pio ju̧i̧ chjiari: —Jabo cjäri̧ marequede —yo̧a̧dejȩrȩ—. Oëra̧ yo̧nȩrȩ. Judio judiro̧ tüdüa̧mi̧ dari̧ cjo̧ro̧pea̧ ma̧ȩ oa chjai̧dëri̧ japadëa̧requede. Ado Ütë tjamo̧ ja̧ bë oa peaja̧di chjai̧dë gȩrȩ chiami̧ dari̧ cjiapea̧ oa japadëa̧reconȩ. Ado Domaräpȩ cjo̧ro̧mȩ ütë pio ju̧i̧iäpȩmo̧, Checha pio ju̧i̧iäpȩmo̧ peaja̧di chjai̧dëri̧ japadëa̧reconȩ —yo̧a̧dejȩrȩ.