Populaarsed piiblisalmid Malakai 3

Jaga

Ami ndi Unwoti Ɔyikune Ƒui, na nnye-mii anumi mɔɔsu-mii nnii bɛkɔku-mi bɛnu na biti ala lɛkpa leevudi lɛmmɔ ƒui bibese-mi kaduli ala kesekɔ, na adila emomo-mi kɔduli. Na ndubɔlɛmi kayaa na mina kusɛ kusɛ ubo-mii lɛlɔ ɔsia kama aani kalɛ na ɔnantu ɔɔna.

Ndubutile baalɔlɔ kuƒi na basɔ belebile-mii ala na ada bɔnwu aya. Na kɔlɔ ƒui bekyuli ɔdi biala ɔdubɔsu kalɛ na líte-mii kusɛ kusɛ ku kalɛ na bina kalɔ kadia.

Mmɔ na Unwoti Ɔyikune Ƒui ɔ́su ɔnini, “Amii bekyuli bamɛni bɛ́ƒɔ-mi kuye geen, na si uwi ɔni na líbo mbatɛ litemi ni, ndubo-mii bɔgyumana kalɛ kani na bawɔne baagyumana bana ubi ɔni muunú-ma litemi. Na bekyuli badubɔnu kavumana kani nkya bekyuli bani muunú-mi litemi na baabla ala ulu siin lɛlɔ ku bani néni-mi na baabla ekpidi ntɛ.”

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”