Populaarsed piiblisalmid Daniel 9

Jaga

Na lɛ́kpali Unwoti mina Katɔti kpakplaa geen lɛ́su nnini, “Bula Unwoti, adi Katɔti ɔni na ébomo na ƒula lɛlɔ libo liƒu geen. Na bekyuli bani na baayɔ́-ɔ na beenú ƒula litemi ni, alalɛ ƒula linyese lɛni na ényimiku-ma kama kudii.

Buvele, nu ƒula ɔma ɔƒunadi ɔmɛni kɔnyana ɔɔɔdi ɔni na abu bɔ́manku ɔsu mmomu na ƒula lɛƒɔndia bonwu lɛni ebo ete bekyuli ɔsu. Ti bula bɔƒiɔ kyiɛ-bu! Yile bubo na ababla lɛla lɛdi na ɔɔɔdi ƒula ɔma ɔmmɔ kani iye abu ƒula bekyuli baƒunadi lɛti ɔsu, mmomu kalɛ na aya na ƒula lɛnyi likeye ɔsu.”

Na kalɛ na lɛla lɛmɛni líkpoku-mi ɔsu ni, línyimi kenye na nda ala ani mɔɔtina ka muuwulo kɔnyana. Na lɛ́yu lɛ́tɛ ntɔ akɔ, na lídie mina alaekpidi kalɔ.

Unwoti Katɔti, aanu kɔnyana na eeti likpidi taakyiɛ ina ka bɔ́bla alaekpidi na bɔ́ƒiɔ-ɔ

Na Kwasida unwi kemmo ni, kadi bamba ukyuli ɔmɛni ɔdubo lɛla kpakplaa lɛdi bunyimi ku bekyuli pii badi. Na Kwasida unwi ɔmɛni ntɛ bule kemmo ni, ɔdubɔya na lɛkpa biala ku etela kenye kekulo. Na ɔmmɔ kama ni, liƒula bonwu lɛni ndanku ala bubile bɔmɛni bɔdubo bɔda bɔlɛ mmɔ. Na ɔdubunye mmɔ butédu uwi ɔni na Katɔti ɔ́lɛ ugyii úse ka ɔyila liƒula lɛni muubile ala mɛni udu.”