Populaarsed piiblisalmid Abarooma 14

Jaga

Olwohuba obwaami bwa Nasaae haba sibuli sa hu byohulya oba eby'ohung'wa, nae buli hu buluungifu, omuleembe, neende esangaalo li Mwooyo Mwoolerefu aberesa. Mani n'ohalaabanira Kristo mu ngeri yino, osangaasa Nasaae haandi abaandu baandi bosi bahusiima.

Nihuli abalamu, huliwo hulw'Omwaami, haandi nihufwa, hufwa hulw'Omwaami. Sakira oba huli abalamu oba hufwa, fweesi huli ab'Omwaami.

Sakira buli siha huhoyere ohuchiiririraanga neende ebiindu bileeta omuleembe, haandi ebituhoonya efwe abeene ohugumisania.

Mani sakira lehe hwaakame ohuheengeraanga abasyeefwe omusaango. Ohutusaho, huhoyere ohutaholaanga esiindu syoosi esinyala ohukera abasyeefwe beegumula oba bakwa mu syonoono.

Olwohuba ebyandiiko byoolerefu biboola biti, “Omwaami aboola ati, koti lu ndi Nasaae mulamu, buli muundu achia ohusigama mu moni waange, haandi buli muundu achia ohutuumbula ati niise Nasaae.” Sakira buli muundu yeesi hweefwe, achia ohwewosaho eyiri Nasaae ebidiira hu bulamu bwae.

Mwakaanireenge abasyeeng'we bakata mu fukiirira, haandi mutayiinganaanga nabo ebidiira hu mbaasa yaabwe.

Ewe niiwe naanu oheengera omuhalaabani w'omuundu wuundi omusaango? Omwaami wae mweene niye onyala ohuheengao nikali mbwe bi muundu oyo ahola bilai, oba sibihoyera. Haandi achia ohuhola ebilai, olwohuba Omwaami ali neende obunyala bukera naahola ebilai.