Populaarsed piiblisalmid 1 Pedro 3

Jaga

Cristupankazza ultim Jiliriqui. Jalla niz̈tiquiztan Cristuz̈quiz anc̈hucqui rispitstanc̈ha. Niz̈aza anc̈hucqui listu tjaczi z̈ela, anc̈hucaz̈ Yooztajapa kamz puntuquiztan chiizjapa. Tsjii z̈oñi nii puntu pewcznaquiz̈ niiqui, zuma razunz̈tan kjaaz waquizic̈ha. Humilde kuzziz niz̈aza rispitñi kuzziz kjaaz waquizic̈ha. Zumaz̈ kamaquic̈ha. Nekztan anc̈huca kuzquiz anaz̈ c̈hjul ujmi cjuñznaquic̈ha. Cristuz̈quin kuzziz zumaz̈ kama. Jalla nekztanaqui z̈oñinacaqui anaz̈ anc̈huca quintra chiyi atasac̈ha. Ninacaqui anc̈huca quintra chiyaquiz̈ niiqui, ultimu azaquic̈ha anc̈huca zuma kamtiquiztan.

Yooz Jiliriqui zuma kamañchiz z̈oñinaca cuitic̈ha. Niz̈aza ninacaz̈ mayizitanaca nonz̈a. Pero Yooz Jiliriqui anawali paañi z̈oñinacz̈ quintrac̈ha.

Zawnctan zquiti ist'asnacquiz anac̈ha kuz tjaazqui. Persun c'achja chjijcz̈ta ach charquiz, niz̈aza zquiti ist'asnacquiz, niz̈aza ancha c'achja zquitinacquiz, jalla niz̈tanacquiz anac̈ha kuz tjaasqui. Antiz zuma c'achja kamañanacquiz kuz tjaa. Humilde kuzziz, niz̈aza llan kuzziz cjee. Jalla niz̈ta kamañanacaqui Yooz yujcquiziqui walja walurchizza. Ni zuma c'achja kamañaqui tsjii zuma tjurñi walurchiztakazza.

Yooz takuqui tuz̈ cjic̈ha: “Jakziltat zuma kamañchizpan pecc̈haja, niz̈aza cuntintupan kamz pecc̈haja, jalla niiqui persun chiiñi ata ewjt'istanc̈ha, anawal taku ana chiizjapa, niz̈aza ana incallñi toscar taku ana chiizjapa. Niz̈aza jakziltat cuntintupan kamz pecc̈haja, anawali paaznacquiztan zarakstanc̈ha; nekztan zumapan paastanc̈ha. Parti z̈oñinacz̈tan wali kamzjapa, jalla niz̈tiquiz kuz tjaastanc̈ha.

Tsjiiz̈tan zakal cjesac̈ha. Tjapa anc̈hucqui tsjii kuzziz kamaquic̈ha. Niz̈aza criichinacpora zumaz̈ munazaquic̈ha. Niz̈aza okzñi kuztan kamaquic̈ha. Niz̈aza humilde kuztan kamaquic̈ha. Tsjiizuñ anc̈hucaquiz anawali paachiz̈ cjen ana niz̈tapacha anawali tjepnaquic̈ha. Niz̈aza tsjiizuñ anc̈huca quintra ch'aananami, ana niz̈tapacha niiz̈ quintra ch'aaquic̈ha. Antiz niiz̈tajapa Yoozquiztan mayizinaquic̈ha, nii zuma cjiskatzjapa. Yoozqui anc̈huc kjawzic̈ha, zumanaca tanzjapa. Jalla niz̈tiquiztan anc̈huca quintra z̈oñinacz̈tajapami Yoozquiztan mayizinaquic̈ha, Yooz wintiz̈ta cjisjapa.

Anc̈hucaz̈ zuma kamznacquiz kuz tjaachiz̈ cjen, ¿ject anc̈huca quintra paasajo?

Niz̈aza jakziltat cuntintupan kamz pecc̈haja, anawali paaznacquiztan zarakstanc̈ha; nekztan zumapan paastanc̈ha. Parti z̈oñinacz̈tan wali kamzjapa, jalla niz̈tiquiz kuz tjaastanc̈ha.

Anc̈hucqui walikaz Yooz munañpi jaru kamcan sufrac̈haja, wintiz̈ta cjequic̈ha. Ana zuma kamtiquiztan sufraquiz̈ niiqui, jalla niic̈ha ana waliqui; anaz̈ Yooz munañpi jaruc̈ha niiqui.