Populaarsed piiblisalmid Mga Binuhatan 20

Jaga

Ginpakita ko sa inyo sa tanan nga bagay, nga paagi sa tudo nga pagpangabudlay dapat kita magbulig sa mga maluya kag aton dumdomon ang ginsiling sang aton Ginoong Jesus, ‘May labi nga kalipay ang paghatag sang sa pagbaton.’”

Pero ginakabig ko nga ang akon kabuhi wala sang bili sa akon. Ang luyag ko lang amo ang pagkompleto sang akon bulohaton kag pagtapos sang tulomanon, nga ginhatag sa akon ni Ginoong Jesus nga amo ang pagwali sang Maayong Balita nahanungod sang daku nga kaayo sang Dios.

Bantayi ang inyo mga kaugalingon kag subong man ang tanan nga panong nga gintugyan sa inyo sang Espiritu Santo. Tatapa ninyo ang iglesia sang Dios nga iya naangkon paagi sa iya kaugalingon nga dugo.

“Kag karon ginatugyan ko kamo sa pagtatap sang Dios kag sa mensahe sang iya daku nga kaayo. Sia sarang makapabakod kag makahatag sa inyo sing mga palanublion nga ginatigana niya para sa tanan niya nga mga tawo.