Populaarsed piiblisalmid Bl 28

Jaga

'Nâu, inh gô oei hơdai ih, mă ih năm tơ yơ, inh gô kiơ̆ wei-lăng ih tơ noh păng gô anhăk ih wih brŏk tơ dêh âu; yua kơ Inh ưh kơ đei layơ wă achăng lê̆ ih dĭng mă Inh pơm keh dôm nơ̆r Inh đei pơkă boih hăm ih.

Na âu, 'bôh Kră Yang hơ-oei 'bơ̆t kơ̆l kung noh păng khan thoi âu: Inh boih Kră Yang Kră Yang 'Bok Kei-Dei Abraham, 'bok ih kư̆m Kră Yang 'Bok Kei-Dei Isăk 'bă ih. Inh gô ăn kơ ih păng adrĕch adrung ih teh đak mă ih oei 'bĭch âu.

Jakôp sư hơđơ̆r, iung khan thoi âu; tơpă đei Kră Yang tơ anih 'nâu mă inh ưh kơ băt!

Na Jakôp hơpơi kơdih sư thoi âu: Tơdah Kră Yang 'Bok Kei-Dei oei hơdai inh, wei-lăng inh kơplah inh oei yak, ăn 'bĕng sa, ao hrŭk. Păng inh wih brŏk tơ hnam 'bă inh, hiôk-hian, na Kră Yang jing Kră Yang 'Bok Kei-Dei inh. Tơmo mă đêl inh pơdơ̆ng 'nâu jing jrăng hnam Kră Yang 'Bok Kei-Dei păng inh gô pơyơ̆r kơ Ih minh lăm mơjĭt đơ̆ng dôm mŭk tơmam mă inh đei đơ̆ng Ih ăn.

Adrĕch adrung ih gô lơ kơdrâ̆m thoi chuơh tơ lăm teh âu, lanh truh tơ bơmơ̆t hơlĕch, gơal yă-nơ̆m păng lu khŭl kon bơngai a gô đei pŭn hiôk đơ̆ng ih păng đơ̆ng lu adrĕch adrung ih.

na sư krao anăn anih âu Bethel;b tơplih anăn pơlei Lus.